Diretór Ezekutivu AHDMTL, Gaspar Afonso hateten, durante ne’e AHDMTL servisu hamutuk ho Ministériu relevante no parseiru dezenvolvimentu sira hodi assegurau no apoiu ema ho defisiénsia matan sira mak hanesan, MSSI sira hasae konsiénsia hodi ba foti ema ho defisiensia sira iha munisipiu.
“Ami servisu hamutuk ho UNICEF hodi identifika dadus ba ita nia maluk defisiensia matan sira. Iha Auditoriu sosiál gabinete Primeiru Ministru nian ita halo peskiza edukasaun inkluzivu bá iha munisipiu Manufahi no Covalima,” nia hateten iha edifísiu AHDMTL, Segunda (20/12).
Aleinde Ida ne’e, servisu hamutuk mós ho Plan Internasional hodi hasae konsiénsia bá ema ho defisiensia sira iha munisipiu sira, inklui fó treinamentu bá maluk defisiensia sira iha reziaun tolu hanesan Oeste, Este no Leste nune’e fasilita ema ho defisiensia sira bele assesu informasaun liu husi Letra Braille.
Durante tinan Ida ne’e sira fó treinamentu ba ema ho defisiensia matan sira ne’ebé mak assesu ona informasaun liu husi letra Braille hamutuk 120, Ida ne’e mak sira servisu hamtuk durante tinan 1.
Iha fatin hanesan, Prezidente Board AHDMTL Gilberta dos Santos informa tan katak, Barreira ne’ebé mak ema ho defisiensia sira hasoru mak hanesan Fiziku ho Ida ne’e oinsa mak governu sira bele kria kondisaun Ida ne’ebé mak sensivel ba ema ho defisiensia sira.
