Objetivu husi sensibilizasaun terminolojia konvensaun direitu ba ema ho defisiensia nee atu komunidade bele uza termu neebé mak ho dignu antes atu komunika ho ema defisiente sira.
“Ita sei halo sosializasaun iha munisipiu Aileu kona-bá terminolojia ba maluk defisiénsia sira, nunee antes ita nia komunidade komunika ho ema defisiente, tenke ho dignu no bele hatene uza termu defisiénsia nian,” Diretór AHDMTL, Gaspar Afonso, hateten iha serbisu fatin Manleuana, Kinta (16/09).
Nunee mós Diretór Nasionál Promosaun Direitu Ema ho Defisiénsia, Mateus da Silva, hateten Objetivu husi sensibilizasaun nee atu fo hanoin ba ema hotu hodi labele halo diskriminasaun ba ema ho defisiénsia iha Timor-Leste.
Sensibilizasaun nee halao iha munisípiu 12 inklui RAEOA atu nunee komunidade bele hatene klean liu tan politika nasionál kona-bá ema ho defisiénsia.
