Prezidente EDTL.Ep, Paulo da Silva hateten, EDTL.Ep informa servisu ba PM Taur Matan Ruak ne'ebé durante ne'e atende Liña Eletrisidade ba komunidade sira iha Nivel suku iha Teritóriu Tomak.
"Projetu Eletrifikasaun Komunitária no mós Nasionál dadaun ne'e ita atinji anivel Suku konklui ona 91% restu ita kontinua konstrusaun namanas hela," dehan nia, iha Palasiu Governu, horisehik.
Nia dehan, EDLT garante fulan Lima mai tan bele konklui tan parte balun ne'ebé oras ne'e Ekipa tekniku sira kontinua halo servisu iha tetenu.
Nia haktuir,ba Komunidade sira ne'ebé mak seidauk hetan Liña Eletriaidade parte EDTL kontinua promove projetu atu bele aselera prosesu atu nune'e populasaun sira bele asesu ona.
Alende ne'e mòs EDTL ba PM Taur kona-ba Fornesimentu iha Suku Kamea ne'ebé Fornse Enerjia iha Kapitál Dili tanba faze finál ona hodi bele halo produsaun Trafo 40 Mega Volt.
No parte EDTL espera katak fulan ida tan ekipamentu to'o mai TL hodi halo konklui Instalasaun atu nune'e iha fulan Abril kapasidade Transformadór iha Suku Kamea nian bele 100MB.
"Nune'e ita bele fornese kapitál dili tanba iha klientes foun lubuk ida maka hatama ona pedidu no ita pendin tanba ita nia kapasidade iha ne'ebá másimu ona" dehan nia.
Nune'e mós Reseita ne'ebé EDTL hatama ba Kofre esradu iha tinan kotuk Ribun$ 48.36 no tinan ida ne'e EDTL tarjetu Rihun$ 60 maibé presiza esforsu makaas para bele atinje ida ne'e.
Lansa Projetu Panel Solar iha Manatutu
Eletridade Nasionál Timor-Leste Empreza Públiku (EDTL.Ep) komesa halo ona Lansamentu Projetu Internasionál Solár Panel ne'ebé harii iha Munisipiu Manatutu parte Laleia nian.
Prezidente EDTL.Ep Paulo da Silva hatete,Lansamentu ne'ebé EDTL halo atu kompaña internasionál sira bele hahú hatama ona proposta ba projetu refere.
"ita informa ba Primeiru Ministru hahú Ohin ita lansa ona projetu internasionál ba Tenaga Suria (Panel Solár) 72 ate 85 Mega Volt iha laleia Manatutu" dehan nia ba Jornalista sira hafoin remata Enkontru ho PM Taur Matan Ruak iha Palasiu Governu horisehik (27/02).
Nia dehan,ho Lansamentu ne'ebé EDTL lansa espera setór Privadu Internasionál atu bele konkore para Ekipa sira bele halo avaliasaun para iha tempu badak bele iha ona manan nain.
"ita nia espetativa iha Fim Agustu hanesan ne'e ita bele hetan manan nain atu nune'e selebra kontratu hodi bele investimentu ba Panél Solar ne'e.
Alende ne'e mós EDTL informa servisu instalasaun program enerjia Panel Solar ba Komunidade sira iha área rurál ne'ebé mak la asesu ba Liña Eletrisidade.
Tanba ne'e EDTL fornese ona Enerjia Panel Solar iha Area rurál kuaze 1091 ba Benefisiáriu sira no iha semana rua mai tan kompaña balun sei ba tan halo instalasaun ba área sira ne'ebé sai benefisiáriu maibé iha Dili mak laiha.
"Dili mak laiha mais Munisipiu hotu-hotu iha aldeia ida,rua sira asesu hotu liu-liu ba sira ne'ebé dook husi Liña iha Foho Leten no mós iha estrada laiha pelemenus tinan 10 mai sira la asesu Eletrisidade" dehan nia.
Nia haktuir, PM Taur kontente maske ema barak mak kestiona servisu EDTL nian maibé ho progresu servisu ne'ebé mak iha PM enkoraja para kontinua Tau matan ba Komunidad sira.
