“Kazu foun ne’ebé relata ohin, iha Kapital Dili,”dehan Koordenadora  Jéral Surtu Covid-19, Dra Odete da Silva Viegas, iha komunikadu ne’ebé Online INDEPENDENTE asesu, kinta ne’e.

Nune’e, munisipiu 10 ho Rejiaun Administrativu Espesial Oekuse Ambeno (RAEOA), laiha ona kazu ativu no munisipiu rua seluk sei iha kazu esporádiku.

Ho nune’e, populasaun ne’ebé simu ona vasina kompletu iha teritoriu laran tomak, hamutuk pursentu 68,5 (68,5%).

Entretantu, kazu ativu ne’ebé sei iha sala izolamentu hamutuk na’in 11.

Enkuantu, total komulativu kazu konfirmadu sura husi loron 21 fulan-Marsu tinan 2020 to’o loron 06 Janeiru 2022 hamutuk 19.844.

Husi oras 24 nia laran, teste PCR ne’ebé Laboratoriu Nasional Saúde halo iha Dili hamutuk 240, kompostu husi random screening 24 o viájen internasional na’in 216. Aleinde, iha munisipiu sira seluk, RAEOA no HNGV hamutuk na’in 86.

Tanba ne’e, MS hakarak apela ba populasaun sira relasiona ho variante foun omicrom ne’ebé agora dadauk rejista ona iha nasaun viziñu sira, tan ne’e husu nafatin ba populasaun hotu atu kontinua mantein medidas prevensaun sira.