Tempu ne’ebé determina ona mak loron 30 Agostu. Maibé TL preparadu ona atu asume responsalblidade hamutuk ho PN hodi ratifika tratadu ne’e.

Lei sira ne’ebé konsagra ona iha tratadu ne’e rasik importantes atu haree didi’ak para bele komprimenta objetivu hodi hakata ba prosesu ne’e.

Governu tenke haree didi’ak objeitivu legál no kuadru importante sira ne’e tenke kompleta tuir ninia tempu. Ne’e duni, Governu sei hasoru malu atu haree hamutuk pesa sira ne’e molok tempu to’o.

“Ami iha ona planu enkontru ne’ebé realiza atu hare e kona-ba preparativus saida mak Governu tenke halo hodi konkretiza ratifikativu ne’ebé sei hasoru iha fulan rua mai”, tenik nia, iha Parlamenntu Nasionál, horisehik.

Fidelis akresenta, depois enkontru Konsellu Ministru nian realiza, governu sei halo fali aprosimasaun ho Parlamentu Nasionál atu rona sira ninia posiblidade atu tuur hamutuk hodi diskute fali kona-ba prosesu sira ne’e.

Tuir nia, PN mak xave prinsipál atu konkretiza ratifikasaun ne’e, entaun Governu hein kalendáriu PN nian atu tuur hamutuk ho bankada sira hodi haree hamutuk prosesu sira ne’e.

“Ami fiar katak bankada PN nian iha vondade atu hala’o prosesu sira ne’e. Tanba ne’e, atu alkansa objetivu ita nian hodi hetan soberania ida loloos”, dehan nia.

Hataan preokupasaun Bankada FRETILIN nian ne’ebé  ejizi Governu entrega dokumentu FM nia ba sira atu estuda tempu halo ratifikasaun laiha duvida, Fidelis dehan, governu sei hataan ejizensia ne’e, maibé governu presiza haree didi’ak molok aprezenta dokumentu sira ne’e ba PN.