Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, tuir dadus total númeru kazu ne’ebé rejista iha loron 25 fulan-Outubru 2021 hamutuk na’in haat, husi numeru ne’e, iha Dili na’in tolu no na’in ida iha Rejiaun Administrativu Espesial Oekuse Ambeno (RAEOA).

“Husi kazu detetadu ne’e,,iha kazu rua ka 50% mak hatudu sintomas, kazu rua simu ona vasina doze kompletu no na’in ida simu ona vasina doze dahuluk,”dehan nia iha komunikadu ne’ebé Online INDEPENDENTE asesu, segunda ne’e.

Entretantu, SIJK mós rejista kazu rekuperadu iha na’in 15 no kazu ativu ne’ebé iha hela Izolamentu hamutuk na’in 52.

Nune’e, total komulativu kazu konfirmadu sura husi loron 21 fulan-Marsu tinan 2020 to’o 25 Outubru 2021 hamutuk na’in 19.770.

Tanba ne’e, SIJK husu ba públiku atu nafatin kumpri regras prevensaun nian, maske Governu hakotu ona serka sanitaria.