Koordenadór Forsa Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu boot liu ne’ebé rejista ne’e barak liu deteta iha Dili ho kazu 298, Baukau ho kazu 90, Kovalima ho kazu 75, Bobonaro kazu 15, Likisa kazu 12, Manufahi kazu 12, Ainaro kazu 9, RAEOA kazu 7, Vikeke kazu 6, Lautem kazu 4, Manatuto kazu 3 no Ermera kazu 1.
“Husi total kazu detetadu foun ohin sira na’in 202 ho pursentu 38 mak hatudu sintomas, sira ne’e na’in 81 mak simu ona vasina kompletu no 146 hetan ona vasina doze daruak, restante ne’e seidauk,” dehan nia iha komunikadu, tersa horseik.
Aleinde kazu pozitivu foun, SIJK mós rejista kazu mate rua. Kazu dahuluk, feto ida ho idade tinan 35 ne’ebé deteta pozitivu Covid-19 iha 22 Agostu no iis kotu iha 24 Agostu. Kazu daruak, mane ho idade tinan 65 ne’ebé deteta pozitivu iha 23 Agostu no hakotu iis iha 24 Agostu.
Aleinde kazu pozitivu foun no kazu mate, SIJK mós rejista kazu rekoperadu hamutuk 97.
Entretantu, tuir relatoriu husi Sentru Integradu ba Jestaun Krize (SIJK), hahú husi 20 to’o 23 Agostu iha ema na’in 8 mak mate.
Iha 20 Agostu na’in ida mak mate, iha 21 Agostu na’in 4 mak mate, iha 22 Agostu mate na’in 2, no iha 23 Agostu na’in ida mak lakon vida.
Ba kazu pozitivu Covid-19, husi 20 to’o 23 Agostu SIJK rejista kazu foun hamutuk 970.
Iha 20 Agostu SIJK rejista kazu pozitivu hamutuk 267. Kazu barak liu rejista iha Dili ho kazu 152, iha Baukau ho kazu 35, Ainaro kazu 20 Kovalima kazu 13, Manufahi kazu 12, RAEO kazu 7, Aileu kazu 7, Vikeke kazu 7 no Bobonaro kazu 5.
Iha 21 Agostu, SIJK rejista kazu pozitivu 281. Kazu ne’ebé rejista barak liu iha Dili ho kazu 212, Kovalima ho kazu 19, Manatuto kazu 16, Baukau kazu 15, Manufahi kazu 13, Bobonaro kazu 2, Ainaro kazu 2, RAEOA kazu 1 no Vikeke kazu 1.
Iha 22 Agostu, kazu pozitivu ne’ebé rejista hamutuk 235. Husi númeru ne’e kazu barak liu iha Dili ho kazu 183, Kovalima kazu 31, Manufahi kazu 13, Ainaro kazu 5, Baukau kazu 2 no Bobonaro kazu 1.
Iha 23 Agostu iha kazu pozitivu 187, kazu barak liu deteta iha Dili ho kazu 77, iha Kovalima ho kazu 63, Ainaro kazu 8, Baukau kazu 6, Lautem kazu 6, Manufahi kazu 5, Ermera kazu 4, Bobonaro kazu 3 no Manatuto kazu 2.
