Prezidente IGEADI, Ana Paula da Silva informa, iha tinan kotuk IGEADI asina ona akordu iha Japaun atu lori ekipamentu pezadu hamutuk 30 mai Timor-Leste.

“Akordu iha  ona, ha’u mos foin mak tama mai (simu kargu), Prezidente sesante ba asina ona iha Japaun loos ona, atu ami tau osan karik, mai tinan oin ita sei selu taxa,” Informa Prezidente IGEADI, Ana Paula, ba Jornál INDEPENDENTE, Via Telefone, Tersa (24/10).

Prezidente IGEADI, Ana Paula, Ekipamentu pezadu 30 ne'e mai ho tipu saida de'it parte estrutura foun IGEADI sei konfirma fali Prezidente sesante atu bele esplika.

Tanba  tuir nia, orsamentu ne'ebé IGEADI prepara atu selu taxa ba ekipamentu ne'e mós tenke klaru, para bainhira to'o mai bele selu taxa tuir akordu ne'ebé asina ona.

“Kuantidade Makina foun (30) ne'e sei mai taxa ita selu oinsa, ita tenke hatene lai, maibé até agora ha'u mos seidauk hatene mákina hirak ne'e,” nia informa.

Nia fundamenta, tanba mákina pezadu sira-ne'ebe IGEADI iha seidauk sufisiente para atu kobre ba munisipiu sira hotu bainhira situasaun emerjénsia mosu iha sosiedade, entaun nesesariu duni atu aumenta pezadu sira.