Adjuntu Kordenadór Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Odete da Silva Viegas, hatete, númeru kazu detetadu foun 1 iha Dili ho  taxa pozitividade 0.1% no ema ne’ebé hala’o tratamentu ospitalizadu laiha.

Nune’e, munisipiu 10 ho RAEOA la iha ona kazu ativu no munisipiu 2 sei iha kazu esporádiku.

Enkuantu, kobertura vasina kompletu iha teritoriu Timor-Leste tomak, foin maka 53,3%.

Ho nune’e, kazu ativu ne’ebé iha Izolamentu hela na’in 6 no totál komulativu kazu konfirmadu hamutuk 19.813.

Aleinde, total óbitu iha Timor-Leste hamutuk na’in 122.

Entretantu, husi horiseik (16/11) mai ohin teste PCR ne'ebé Laboratóriu Nasionál Saúde halo iha Dili hamutuk 108 kompostu husi, random screening na’in 33, viájen internasionál iha na’in 64 no follow up iha kuarentena hamutuk na’in 11.

Teste PCR ne’ebé halo horiseik iha Munisípiu sira seluk, RAEOA & HNGV hamutuk 54.