“Ami preparadu ona, aban 13 Outubru 2023, aprezenta kandidatura ba meja eleitoral, no reklamasoens sira hotu, sei lori to'o ba oin,”dehan Ministru Administrasaun Estatal Tomas do Rosário Cabral, iha Edifisiu MAE, Kaikoli, (12/10).
Enkuantu, kona ba lojístuku, Ministru dehan, hanesan matérial sira, transporte, Ministeriu Administrasaun Estatal preparadu ona. Tan ne’e aban haruka ona ba munispiu no postu administrativu sira hotu.
Entertantu, ba seguransa nia, MAE informa ona ba seguransa hanesan Polisia Nasional Timor-Lorosae (PNTL) no Forsa Defeza Timor-Leste (FDTL) atu apoiu hahú husi loron 13 fulan ne’e to'o eleisaun suku remata.
Entretantu, eleisaun suku ba tinan ida ne’e, sei realiza iha loron 28 fulan-Outubru 2023.
Enkuantu, kriteriu ba kandidatu atu sai xefe suku mak hanesan, sidadaun Timoroan ho idade 17 ba leten, tuir resensiamentu eleitoral no hela iha suku ne’ebé sira aprezenta kandidatura no mós tenki hetan apoiante husi total 1% husi total eleitor suku nian.
