Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé deteta ohin, iha mane na’in 94 no feto 119.

“Kazu detetadu foun ohin ho idadae 20 mai kraik iha na’in 41(19,2%), idade entre 12-59 na’in 154 no idade 60 ba leten iha na’in 8. Husi sira ne’e hotu, iha na’in 73 ka pursentu 34,3 (34,3%) mak hatudu sintomas,”dehan nia iha komunikadu, sesta ne’e.

Nune’e, pasiente rekuperadu hamutuk na’in 206 no kazu ativu ne’ebé baixa hela iha izolamentu hamutuk 1.829.

Ho nune’e, total komulativu kazu konfirmadu sura husi loron 21 fulan-Marsu tinan 2020 to’o loron 13 fulan-Agostus tinan 2021 hamutuk 12.272.

Entretantu, husi horiseik (12/08) mai ohin teste ne'ebé Laboratóriu Nasionál Saúde halo iha Dili hamutuk 678 PCR, ho detallu hanesan, Vijilánsia sentinela na’in 17, Contact tracing 146, Random Screening 94, Viájen sai husi serka sanitária husi Dili 343, Viájen internasionál 24 no Follow up iha kuarentena na’in 54.

Teste PCR ne’ebé halo horiseik (12/08) iha Munisipiu sira seluk, RAEOA no HNGV hamutuk 139, ne’ebé kompostu husi Baucau na’in 63, Maliana 52, RAEOA 27, Vikeke 20, Ermera 5, Maubise 56, Suai 52 no HNGV 54.

Totál doze vasina ne’ebé fó ona ba populasaun elijível (tinan 18 ba leten), to’o ohin dader 10:00, (13/08), iha teritoriu laran Timor-Leste tuir sistema informasaun saúde iha MS ba doze dahuluk hamutuk pursentu 44,4 (44,4%) no doze daruak hamutuk pursentu 16,2 (16,2%). 

Nune’e, ohin iha izolamentu Vera Cruz halo tratamentu ba kazu detetadu hamutuk na’in 29.

Asistente Editor; Saturnina da Costa