Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé deteta ohin, iha mane na’in 85 no feto 103,
“Husi kazu sira ne’e hotu iha na’in 52 ka pursentu 27,5 (27,5%) mak hatudu sintomas,”dehan nia iha komunikadu, kinta ne’e.
Nune’e, rekuperadu iha na’in 39 no kazu ativu hamutuk 1.822.
Total komulativu kazu konfirmadu sura husi loron 21 fulan-Marsu tinan 2020 to’o loron 12 fulan-Agostus tinan 2021 hamutuk 12.059.
Entretantu, husi horiseik (11/08) mai ohin teste ne'ebé Laboratóriu Nasionál Saúde halo iha Dili hamutuk 710 PCR, ho detallu hanesan, Vijilánsia sentinela na’in 32, Contact tracing 126, Random Screening 100, Viájen sai husi serka sanitária husi Dili 284, Viájen internasionál 25 no Follow up iha kuarentena na’in 143.
Teste PCR ne’ebé halo horiseik (11/08) iha Munisipiu sira seluk, RAEOA no HNGV hamutuk 315.Totál doze vasina ne’ebé fó ona ba populasaun elijível (tinan 18 ba leten), to’o ohin dader 10H00, (12/08), iha teritoriu laran Timor-Leste tuir sistema informasaun saúde iha MS ba doze dahuluk hamutuk pursentu 43,9 (43,9%) no doze daruak hamutuk pursentu 15, 7 (15,7%).
Nune’e, ohin iha izolamentu Vera Cruz halo tratamentu ba kazu detetadu hamutuk na’in 31.
Asistente Editor: Saturnina da Costa
