12 Abril, MS Rejista Kazu Pozitivu Foun na’in Rua

Novembru 24, 2024

Nasional

12 Abril, MS Rejista Kazu Pozitivu Foun na’in Rua ^Featured

By Gregorio da Costa Abril 12, 2022 491

Estudante sira simu vasina, hodi prevene moras Covid-19. Foto:INDEPENDENTE.

DILI: Koordenadora Jeral Surtu Covid-19 iha Ministeriu Saúde, Odete Maria Viegas, hateten, Ministeriu Saúde rejista tan kazu pozitivu foun iha na’in rua.

"Ohin loron 12 fulan abril tinan 2022 iha Ministeriu Saúde rejista Kazu foun nain rua no rekuperadu iha lima,"dehan komunikadu ne'ebe online INDEPENDENTE asesu, tersa ne’e (12/04).

Enkuantu, total kazu ativu ne’ebé iha sala izolamentu hamutuk na’in 11.

Ho nune’e, total komulativu kazu konfirmadu sura husi loron 21 fulan-Marsu tinan 2020 to’o 12 Abril 2022, hamutuk 22.844. Aleinde, total kumunlativu óbitu hamutuk na’in 130.

Entretantu, iha oras 24 nia laran, teste PCR ne'ebé Laboratoriu Nasional Saúde halo iha Dili hamutuk 169, kompostu husi restreiu aleatotiu na’in tolu no viajen internasional na’in 116.

Teste PCR ne'ebé halo iha munisipiu sira seluk inklui Rejiaun Administrativa Espesial Oecusse Ambeno hamutuk na’in 50.

Tanba ne’e, MS nafatin apela ba populasaun sira atu mantein regras ba prevensaun Covid-19 nian.

Rate this item

(0 votes)