Koordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé deteta ohin, iha mane na’in 94 no feto 67.
“kazu detetadu foun ohin iha na’in 8 ka pursentu 15,5 (15,5%) mak hatudu sintomas,”dehan nia iha komunikadu.
Nune’e, pasiente rekuperadu ba loron ohin hamutuk na’in 56 no kazu ativu ne’ebé baixa hela iha Izolamentu hamutuk 1.265.
Total komulativu kazu konfirmadu sura husi loron 21 fulan-Marsu tinan 2020 to’o loron 06 fulan-Agostus tinan 2021 hamutuk 11.386.
Enkuantu, total teste PCR ne’ebé Laboratorium Nasional Saúde halo horseik (05/08) iha Dili hamutuk 818, kompostu husi Vijilansia sentinela na’in 74, Contact tracing 249, Random Screning 18, Viajem sai husi serka sanitaria Dili 440, Viajem internasional 23 no follow up iha kuarentena hamutuk 14.
Total teste PCR ne’ebé halo horseik (05/08) iha Munisipiu sira seluk, RAEOA no HNGV hamutuk 257 ho detellu hanesan, Baucau na’in 37, Maliana 37, RAEOA 30, Vikeke 7, Ermera 4, Maubise 45, Suai 53 no HNGV 47.
Entretantu, ohin iha izolamentu Vera Cruz halo tratamentu ba kazu detetadu hamutuk 18.
Asistente Editor: Saturnina da Costa
