Koordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araujo hatete, kazu foun ne’ebé relata ohin, iha Kapital Dili na’in 26, Bobonaro na’in 4, Covalima 11, Ermera 1, Lautem 1, RAEOA  1 no Vikeke na’in 1.

“Kazu foun ne’ebé deteta ohin, iha mane na’in 26 no na’in 19, husi numeru ne’e, iha na’in 6 ka hanesan ho pursentu 13 (13%) mak hatudu sintomas,”dehan nia liu husi komunikadu kuarta ohin.

Nune’e, pasiente ne’ebé rekupera iha loron ohin hamutuk 35 no kazu ativu iha Sala Izolamentu hamutuk 1,094.

Ho nune’e, total komulativu kazu konfirmadu sura husi lorn 21 fulan-Marsu tinan 2020 to’o loron 04 fulan-Agostus tinan 2021 hamutuk 11.145.

Entretantu, total teste PCR ne’ebé Laboratorium Nasional Saúde halo horseik (03/08), iha Dili hamutuk 495, kompostu husi Vijilansia sentinela na’in 3, Contact tracing na’in 43, Random Screening na’in 135, Viajem sai husi serka sanitaria Dili hamutuk 305, Viajem internasional na’in 52 no follow up iha kuarentena  hamutuk 57.

Teste PCR ne’ebé halo horseik iha munisipiu sira seluk, RAEOA no HNGV hamutuk 324, ne’ebé kompostu husi Baucau 75, Maliana 25, RAEOA 10, Vikeke 24, Ermera 17, Maubise 76, Suai 60 no HNGV 37.

Enkuantu, iha Izolamentu Vera Cruz ohin, halo tratamentu ba kazu detetadu hamutuk na’in 19.

Asistente Editor: Saturnina da Costa