Tuir Diretór Diretór Ezekutivu Diresaun Nasional Empregu Exterior (DNEE), Filomeno Soares, hatete kandidatu traballadór Timor-oan na'in 521 ne'e naran tama hotu ona iha sistema.

"Ita nia traballadór na’in 521 ne’ebé atu ba servisu iha Korea ne'e hetan ona kontratu, traballadór regular ne'ebé tuir ona teste, depois liu ona no sira nia naran tama iha sistema, aplika ona bá serbísu iha Korea," dehan Filomeno, iha nia knar fatin, (17/03).

Antes ne’e, Embaixadór Korea Súl ba Timor-Leste Kim Jeong-Ho hatete, agora dadaun iha hela situasaun pandemia Covid-19 ne’e seidauk bele haruka traballadór.

Tuir dadus SEFOPE hatudu katak númeru traballadór Timor-oan ne’ebé agora servisu iha Korea Súl hamutuk ema na’in 2800. Husi númeru ne’e na’in 400 maka servisu sai ona husi sistema no konsidera ilegal.

Maski nunee Governu liu husi SEFOPE sei buka tuir traballadór Timor-oan illegal ne’e oinsá bele hatama fali iha sistema hodi Governu tau matan ba sira nia saúde no servisu loron-loron iha Korea.

Jornalista: Julia da Costa

Editor: José Sarito Amaral