PNTL-FFDTL Preparadu Hasoru EA Featured

By Tomé Amado Janeiru 31, 2018 4216
Polisia Militar Polisia Militar

DILI: Komandu FALINTIL-Forsa Defeza Timor Leste (F-FDTL) no Polisia Nasionál Timor Leste (PNTL) hasoru malu hodi diskute dezafiu iha eleisaun antesipada (EA).

Orasn ne’e daudaun instituisaun defeza no seguransa ne’e preparadu tebes hodi hasoru situasaun iha EA.

Nune’e, komandu instituisaun rua ne’e hala’o ona preparativus seguransa ne'ebé prezidente sei anunsia hafoin loron 60.

Tanba ne’e, mak komandu rua bolu direita ninia komandante sira husi komponente unidade no munisípiu sira atu fó hanoin kona-ba preparativus instituisaun nian hodi responde dezafiu boot ne'ebé sei mai.

Xefe Estadu Maiór F-FDTL, Majór Jenerál Lere Anan Timor hateten, nudar forsa defeza no seguransa importante mak hala’o servisu.

Lalika ezije uluk kona-ba fasilidade ne'ebé boot liu kapasidade ne'ebé atu atende povu sira.

Ha’u hateten ona buat ne'ebé iha ona ita uza lai ida ne’e. Ita lalika ezije buat ne'ebé liu ita nia kapasidade atu fo atendementu ba povu sira”, dehan Lere, iha Kuartél Jerál F-FDTL, Fatuhada, horisehik.

Nia hatutan, sai forsa la’ós para atu ezije de’it, maibé halo uluk depois mak hetan ninia rezultadu.

Nu’udar membru efetivu iha defeza no seguransa nia laran tenke hanoin katak, nasaun Timor ne’e ema timoroan sira nian. Tan ne’e, husu atu labele hanoin atu koloka-aan nu’udar forsa manutensaun ba pás.

“Tenke tau-aan nu’udar forsa no lutu ba ita nia nasaun rasik. Tenke fó buat hotu ne'ebé iha. Labele limita buat balun ne'ebé iha”, tenik Lere.

Entretantu, husi enkontru ne’e partisipa husi Komandante Jerál PNTL, Komisáriu Júlio Hornai, segundu Komisáriu Faustino Cardoso no komandante sira husi Munisípiu 12 inklui RAEOA.

Husi parte F-FDTL Majór Jenerál Lere Anan Timur, Komandante Komponente sira, inklui Komandante Unidade Polisia Militár.

Rate this item
(0 votes)

Independente Digital TV