Items filtered by date: Kinta, 05 Marsu 2026

DILI:Fundasaun Mahein, organizasaun naun-governamental ne’ebé tau-matan ba asuntu defeza no segurasan, husu ba governu atu hapara ona politizasaun ba instituisaun Polisia Nasionál Timor-Leste.

DILI:  Eskola Ensinu Bazíku Filial Bahasahe, iha Suku Ossoala, Postu Administrativu Vemase, Munisipiu Baukau, dadaun ne’e hasoru problema fasilidade no menus manorin ne’ebé konsidera grave no presiza atensaun urgente husi governu.

DILI: Sorumutu Konsellu Ministrus analiza aprezentasaun ida husi Sekretária Estadu Igualdade, Elvina de Sousa Carvalho kona-ba Timor-Leste nia partisipasaun iha sesaun anuál husi Komisaun kona-ba Estatutu Feto Nasoins Unidas (Commission on the Status of Women-CSW) nian, ne’ebé sei hala’o iha loron 9 to’o 19 fulan-marsu tinan 2026, iha sede Nasoins Unidas nian, iha Novaiorke.

DILI: Ministru Prezidénsia Konsellu Ministrus (MPCM), halo aprezentasaun preliminár ida Konsellu Ministru kona-ba proposta atu kria pakote lejizlativu ida kona-ba siberseguransa.

DILI: Sorumutu Konsellu Ministru aprova Projetu Dekretu Governu ne’ebé aprezenta husi Ministru Komérsiu no Indústria, Filipus Nino Pereira kona-ba regula prosedimentus atribuisaun lisensa no realizasaun vistoria (inspesaun), iha ámbitu lisensiamentu setoriál ba atividade komersiál sira, no mós aprova ninia modelu formuláriu no dokumentu impresu sira.

DILI: Sorumutu Konsellu Ministrus halo analiza aprezentasaun relatóriu hosi Komisaun ne’ebé servisu iha Rejiaun Administrativa Espesiál Oe-Kussi Ambenu (RAEOA), ne’ebé hala’o ona misaun iha loron 22 to’o 26 fevereiru 2026.

“Ho objetivu atu avalia enkuadramentu legál no funsionamentu institusionál RAEOA nian, no mós atu klarifika prosedimentus ne'ebé relasiona ho jestaun administrativa, finanseira, no rekursus umanus iha Rejiaun ne’e,” Sita komunikadu ne’ebé Média INDEPENDENTE asesu, iha kinta (05/03).

Ekipa ne’e inklui reprezentante sira hosi Governu no instituisaun oioin Estadu nian, inklui membrus hosi Ministériu Obras Públikas, Ministériu Finansas, Komisaun Funsaun Públika, no servisu tékniku relevante sira.

Durante aprezentasaun, analiza lejizlasaun ne’ebé aplikavel ba RAEOA, no mós regulamentu sira kona-ba ezekusaun Orsamentu Jerál Estadu no Kódigu Aprovizionamentu no Kontratus Públikus.

“Komisaun mós aprezenta informasaun kona-ba organizasaun institusionál Rejiaun nian, prosedimentu planeamentu, orsamentasaun, no ezekusaun orsamentál, no mós regras ne’ebé aplikavel ba rekrutamentu no jestaun pesoál,” Afirma Komunikadu.

DILI: Ministru Planeamentu no Investimentu Estratéjiku (MPIE), Gastão Francisco de Sousa aprezenta ba Konsellu Ministrus Relatóriu Monitorizasaun hosi Progresu Planu Estratéjiku Dezenvolvimentu Timor-Leste 2011-2030 nian, ne’ebé avalia grau ezekusaun hosi metas ne’ebé define to’o tinan 2024 nia rohan.

DILI: Konsellu Ministrus aprova ona projetu rezolusaun Governu nian, ne’ebé aprezenta husi Ministra Finansas, ne’ebé determina abertura ba konta fidusiária ida entre Ministériu Finansas ho EDTL,E.P. iha Banku Sentrál Timor-Leste, ho intensaun atu garante operasionalizasaun Garantia Estadu ni’an ne’ebé relasiona ho dezenvolvimentu Projetu Sentrál Enerjia Solar TIM ni’an.

DILI: Konsellu Ministrus (KM) hala’o sorumutu, iha Auditóriu Kay Rala Xanana Gusmão, iha Ministériu Finansas aprova ona projetu Dekretu-Lei, ne’ebé aprezenta hosi Ministru Negósius Estranjeirus no Kooperasaun, ne’ebé ho objetivu atu halo alterasaun daruak ba Orgánika Governu Konstitusionál IX ni'an.