Sexta, 06 Dezembru 2019 | Login
Ilustrasaun foto: CSP halo atrasaun Ilustrasaun foto: CSP halo atrasaun

Pesoál CSP Intervein Servisu PNSIK-AIFAESA Featured

DILI:Pesoál Corpu Seguransa Pesoál (CSP), intervein servisu Polisia Nasionál Servisu Investigasaun Kriminál (PNSIK) no AIFAESA iha terrenu, bainhira halo inspesaun ba restaurante sira iha Dili laran ne’ebé balun la hetan lisensamentu husi governu no laiha kondisaun ijiene ne'ebé di’ak.

Pesoál CSP ho naran inisiál AN ne’e mai intervein direta ho ho liafuan nervus ba ekipa PNSIK no ekipa AIFAESA tanba hanoin halo inspesaun laiha autorizasaun husi na’in.

Imi mai halo saida iha ne’e? Mai husu autorizasaun husi sé? Servisu ita hotu servisu ba rai ida ne’e. Ha'u Polisia, Ó mós polisia, ne'ebé saida mak atu la di’ak?” dehan pesoál ne’e ho lian hirus ba ekipa PNSIK no AIFAESA, iha Ai-Tarak Laran, Sesta (23/2).

Komandante PNSIK, Fernando José da Silva hataan ba membru ne’e katak, iha ne’e la’o tuir lei no orden ne’ebé iha, tanba ne’e laiha ema ida atu intervein governu nia servisu.

Ho nune’e, Koordenadór AIFAESA, Abílio Oliveira Serrano hatete, Governu la’ós halo inspesaun de’it ba restaurante ida maibé halo inspesaun ba restaurante sira iha Dili laran tomak hodi taka provizoriamente tanba ne’e lei mak haruka.

Ami lori instituisaun governu nia naran, ami mai atu halo inspesaun ba restaurante sira ne'ebé la ijiene, inklui restaurante ida ne’e (Sabor)”, tenik nia.

Iha diskusaun minutu balun nia-laran, Komandante PNSIK Lori kedas pesoál ne’e ba halo investigasaun tanba tuir lei, pesoál ne’e viola ona lei dixiplinár militár ninian.

Agora tama ona ba iha prosesu investigasaun, tanba ne’e ba média sira bele fó sai de’it saida mak imi haree iha terrenu.

DILI: Autoridade Inspesaun no Fisklizasaun Atividade Ekonomia Sanitária no Alimentár (AIFAESA), provizoriamente taka tan restaurante 74 iha Dili laran, tanba laiha kondisaun ijiene.

Koordenadór AIFAESA, Abílio Oliveira Sereno hateten, estabelesimentu restaurante ne’ebé hala’o iha Dili laran barak tebes, maibé na’in ba restaurante sira ne’e laiha konxiénsia atu haree ba kondisaun ijiene, tanba ne’e afeta tebes ba ema nia saúde bainhira konsumu hahán.

Tanba ne’e, AIFAESA mai direita ba sira nia fatin hodi fó notifikasaun ba sira katak sira tenke taka sira nia atividade provizóriu.

Ami identifika restaurante 74 estabelesimentu ba restaurante sira, nune’e ami notifika ona sira atu taka provizóriu atu hadi'a kondisaun restaurante tuir dekretu lei ijiene”, dehan Abílio, bainhira remata Inspesaun ba restaurante, iha Ai-tarak Laran, Sesta (23/2).

Nia informa, husi levantamentu dadus sira ne’ebé durante AIFAESA foti identifika iha restaurante 64 mak viola lei ijiene no lei lisensamentu. Maibé estabelesimentu sira ne’e mós la’ós de’it kontra lei ijiene ninian, maibé sira barak mós kontra lei lisensamentu.

Karta notifikasaun governu liu husi AIFAESA nia durasaun tempu válidu de'it loron 90 (fulan 3), signifika iha tempu ne'ebé iha kada restaurante sira ne’e tenke hadi'a kondisaun di'ak no hetan lisensamentu kompletu.

Kona-ba sansaun ba restaurante sira ne’ebé viola lei ijiene no viola lei lisensa sei hataan sansaun kioma tuir lei ne’ebé iha. Empreza ida maka viola ona lei ida husi lei de negósiu tenke hetan sansaun multa mínimu rihun $2 boot liu rihun $8.

Tuir dadus husi AIFAESA, restaurante sira ne’ebé AIFAESA identifika hodi taka provizóriu ne’e mak hanesan Yang Reso, Imaculada S da Cruz, Depot Baroka Jaya, Depot Sofya Unipesoal, Surya, Ghaly Nul Zhaydin, Laramau Luzoma, Fatuhada nia mak Laloran, Dr. Kalijaga, Castro Restaurante, Sakinah resto, Belos tempos, Restaurante sabor ita nian, Warung Genot, no Bidau nia mak Warung Genot, Famyli Mitra, Maria Amaral, Kedai Aneka, Mini restaurante moris foun, Rusfaza, Carlival, Maria V. F da Silva.

Tanba ne’e, hanesan koordenadór AIFAESA husu ba empreza sira atu kolabora no kumpre lei ne'ebé iha atu bele fó pasu pozitivu ba timoroan sira ne'ebé konsume ai-han ne'ebé restaurante sira te'in.

Ami husu nafatin atu kolabora nafatin nune’e ita bele fó espasu pozitivu ba ita nia maluk konsumidór sira, lakohi halo tuir nafatin sei taka permanente no hetan sansaun multa liu rihun $2 ba leten” tenik nia. 

Read 742 times
Rate this item
(0 votes)
MidAd1