Suspeitu Covid-19 Hela Ema Na’in 5 Featured

By Elsa Belinha Juñu 02, 2020 2182
Dadus Covid-19 ba loron 1 fulan-Junho 2020. Dadus Covid-19 ba loron 1 fulan-Junho 2020.

DILI: Suspeitu Corona Virus Deasses 2019 (Covid-19) ne’ebé hein rezultadu laboratóriu tun ona ba na’in lima (5).

Tuir dadus Sentru Integradu Jestaun Krize (SIJK) iha loron 2 Fulan-Juñu hatudu ema ne’ebé halo teste laboratóriu hamutuk 1.582. Husi númeru ne’e ema na’in lima (5) sei hein rezultadu laboratóriu no na’in 1.553 maka nia rezultadu hatudu negativu.

Ema ne’ebé sei halo konfinamentu obrigatóriu hamutuk 39, kompostu husi Dili na’in 29 no iha munisipiu na’in 10. Ema ne’ebé maka halo autokonfinamentu iha uma hamutuk 30 husi númeru ne’e ema na’in 27 maka iha Dili no na’in 3 maka iha munisipiu. Ema ne’ebé maka passa ona loron 14 iha konfinamentu hamutuk 2.356.

Maske laiha ona kazu foun, SIJK husu ba públiku atu kumpri nafatin protokolu husi Organizasaun Mundial Saúde (OMS) atu kuidadu ijiene pesoal fase liman bebeik no mantein distansiamentu sosial no fíziku, uza maskara bainhira sai husi uma.

Rate this item
(0 votes)

Independente Digital TV