Sexta, 05 Juñu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-06-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Presidente Republika Lu-Olo Presidente Republika Lu-Olo

Lú-Olo Husu PNTL Mantein Seguransa ElPar Featured

DILI:  Prezidente Repúblika Taur Matan Ruak husu ba Polisia Nasionál Timor Leste (PNTL) atu asegura seguransa ba eleisaun Parlamentár (ElPar) la'o iha pás no estabilidade.

Xefe Estadu husu ba PNTL liu husi Komandante Jerál Polisia Nasionál Timor Leste (PNTL) Komisáriu Julio da Costa Hornai ho Segundu Komandante Faustino da Costa iha Pallasu Prezidente Nicolau Lobato Bairru Pité, horisehik.

Komandante Jerál Polisia Nasionál Timor-Leste (PNTL) Komisáriu Julio da Costa Hornai hateten, daudaun ne’e kampaña lejizlativu datoluk iha territóriu laran situasaun la'o di’ak, kalma no hakmatek.

Maski, nia dehan iha Kampaña lejizlativu ne’e mosu de'it infrasaun ki’ik ona iha Munisípiu Kowalima,maibé Polisia konsege kaptura tanba lori motorizada viola tránzitu nian.

 “PNTL hamutuk ho FFDTL asegura fatin sira ne’ebé risku ba konflitu hodi halo prevensaun atu kampaña no eleisaun Parlamentár la'o iha pás no estabilidade nia laran”, dehan nia hafoin enkontru ho Xefe Estadu iha Pallasu Prezidente Bairru Pité, horisehik.

Tanba ne’e, Lider PNTL ne’e dehan, iha períodu kampaña lejizlativa ne’e sei la tolera ba ema ne’ebé kria instabilidade iha Timor-Leste.

 “Ema ruma hakarak kria instabilidade nia la'ós Timoroan no nia la hadomi Timoroan nia la hadomi ninia rai Timor ne’e, nia lakohi Timor ne’e hakmatek ita atua ho rigorozu”,dehan nia.

Read 493 times
Rate this item
(0 votes)