Sexta, 24 Janeiru 2020 | Login
Deputadu husi Bankada FRETILIN, Aniceto Guterres Deputadu husi Bankada FRETILIN, Aniceto Guterres

Gasta Orsamentu Biliaun $12.6 Seidauk Atinje Meta Featured

DILI: Mandatu tinan ualu (8) nia laran Governu halo ona gastu ona osan barak, maibé realidade hatudu seidauk atinje meta.

“Husi lansamentu (Planu Estratéjiku Dezenvolvimentu) PED iha 2011 to’o 2019 totál orsamentu aprovadu iha PN durante tinan 8, iha ona billaun $12.6. Saída mak ita hetan. Sá aproveitamentu mak iha”, kestiona Prezidente Bankada FRETILIN, Aniceto Guterres, iha Uma Fukun PN, horisehik.

Nia dehan, depois lansamentu PED iha tinan 8 liu ba, to’o ohin loron meta ne'ebé define ona ne’e nem ida konsege alkansa.

Tuir Aniceto, ida ne’e akontese tanba laiha guia implementasaun. Falla iha planifikasaun, improvizasaun mak barak liu, jestaun no kontrolu fraku, mal administrasaun, korrupsaun koluzaun no nepotizmu (KKN) buras.

Haree husi kresimentu ekonómiku, husi 2012 – 2017, kresimentu reál PIB hetan de'it média 4,1% husi média 12% kada tinan ne'ebé prevé ona iha PED. Signifika, Timor-Leste presiza mínimu tinan 18 atu duplika PIB.

Tenke halo diagnóstiku loloos ba problema no identifika dezafiu sira. Tanba, tinan-tinan lori númeru sira bosok malu hela de'it, maibé problema loloos nunka rezolve.

“Ita marka pasu hela iha fatin no halo ita dook tan de’it atu alkansa ita nia mehi no objetivu ne'ebé define ona,” dehan Aniceto.

Nia hatutan, atu haburas ekonomia, relevante duni atu la’o tuir Objetivu Dezenvolvimentu Sustentavel (ODS) nian, hanesan erradicar a pobreza, saude e bem estar, educação de qualidade, trabalho decente e crecimento económico.

Maibé, TL sei hasoru problema barak, mak problema produsaun, problema empregu, no problema seluk tan.

Read 836 times
Rate this item
(0 votes)
MidAd1