Folin Fos iha Supermerkadu Komesa Sa’e Featured

By Adelaide Dos Santos Juñu 02, 2020 3628
Fos. Fos.

DILI: Iha Estadu Emerjensia ba datoluk relasiona ho surtu Corona Virus (COVID-19), nesesidade baziku sira seluk iha supermerkadu folin la’o normal, maibé folin fos komesa sa’e.

Iha Supermerkadu W.Four iha Audian sira faan nesesidade báziku hanesan Masi-midar kilograma lima ho folin U$3.50, Mina-Bimoli litru lima ho folin U$5.80, Manu-tolun rak ida ho folin U$3.80.

Fos 30kg, antes ne’e fa’an ho folin U$13 dolar, maibé ohin loron sa’e ba $16 dolar, fós 25kg antes ne’e ho folin U$12 dolar, maibé sa’e ona ba $15 dolar.

“Ami faan fos ho folin hanesan ne’e, tanba destributo husi kompañia Alfa, Timorpull ho Perissos, fó mai ami ne’e ho folin ne’ebé aas liu, maibé iha ne’e ami fa’an fós de’it maka folin sa’e sira seluk ne’e ami fa’an hanesan babain,” dehan kasir W.Four Arminda Fernandes, iha knaar fatin W.four, Audian, horisehik.

Bainhira sira fa’an sasan ho folin sa’e ne’e sira rona husi destributór antes ne’e ho folin ne’ebé maka iha,  maibé iha situasaun ida ne’e fós de’it maka folin sa’e, hanesan Mina, Manu-tolun, Masin-midar sira ne’e folin normal hanesan babain.

Entretantu tuir observasaun jornalista Diariu INDEPENDENTE notak katak katak, iha loza Lita Store fa’an nesesidade baziku hanesan Fós  30kg folin $15,25, 25kg folin $12,75 no 20kg folin $10,50, Mina-Bimoli litru lima ho folin $5,80, litru rua ho folin $2,60, Masi-midar 5kg ho folin $3 inklui mós Manu-tolun rak ida ho folin $3,80.

 

Rate this item
(0 votes)

Independente Digital TV