Kuarta, 17 Jullu 2019 | Login
Ilustrasaun vitima violensia domestika. FOTO: Rádio Alto Minho Ilustrasaun vitima violensia domestika. FOTO: Rádio Alto Minho

Baku tan Feen, Tama tan Tribunal Featured

DILI: Molok periodu suspensaun husi tribunal hotu, MR tenke tama tan tribunal tanba la konsege kontrola nia emosaun hodi halo tan agresaun fiziku hasoru nia feen ho inisial MS.

Molok ne’e, tribunal hamonu pena suspensaun tinan haat (4) ba arguidu ne’ebé halo agresaun fiziku hasoru nia feen.

Kazu ne’ebé dada arguidu hetan pena suspensaun akontese iha 10 Marsu 2015.

Tuir akuzasaun husi Ministériu Públiku, iha loron refere maizumenus tuku 10:00 dader iha Bebonok, lezada MS lori modo atu ba fó nia oan feto ne’ebé hela ho viziñu sira.

Bainhira lezada la’o ba, teki-teki nia hasoru arguidu. Ho emosaun, arguidu tuku kedan lezada ne’ebé rezultadu lezada monu ba rai. Arguidu kontinua tebe lezada ne’ebé halo lezada dada iis la hetan.

Maibé, molok nia tempu suspensaun hotu, arguidu halo tan agresaun fiziku hasoru nia feen.

Ba kazu daruak nian, arguidu deklara loloos nia la baku lezada, maibé bainhira arguidu fila husi foho, arguidu hetan lezada ho mane seluk iha uma.

“Tanba ne’e ha’u nervozu hodi baku lezada. Agora dadaun ne’e lezada ho mane seluk ona. Ami na’in rua hela separadu ona,” dehan arguidu iha sala audensia julgamentu.

Entretantu, lezada deklara katak lia-fuan ne’ebé arguidu fó sai la loos.

Lezada dehan, nia nunka ho mane seluk no seidauk hola mane.

“Tanba arguidu nia hahalok ne’e mak ha’u sees an, husik nia ba nia familia sira, hamutuk ho nia oan na’in 6,” dehan lezada.

Liu husi alegasaun final Ministétiu Públiku husu ba Tribunál atu aplika pena adekuadu ba arguidu. Enkuantu defeza husu aplika pena justu.

Read 1341 times
Rate this item
(0 votes)