Items filtered by date: Kuarta, 28 Janeiru 2026

DILI: Enkontru bilaterál entre Prezidente Repúblika, José Ramos Horta ho Primeiru Ministru Austrália, Anthony Albanese diskute mos asuntu diversifikasaun ekonómika no seguransa maritima ne’ebé  presiza país rua servisu hamutuk.

DILI: Prezidente Repúblika, José Ramos Horta fó kondekorasaun ba Primeiru Ministru Austrália, Anthony Albanese ho medalla Grande Colar de Ordem de Timor-Leste, nu’udar rekoñesimentu ba nia dedikasaun hodi hametin lasu bilaterál.

DILI:  Deklarasaun Konjunta kona-ba Estabelesimentu ida Parseria Foun ba Era Foun (Nova Parceria ba Era Foun) entre Governu Timor-Leste no Governu Austrália afirma, pozisaun hakarak aselera  prosesu dezenvolvimentu Greater Sunrise ne’ebé previstu ona iha  tratadu fronteira maritima.

DILI: Timor-Leste antuziasmu simu Primeiru Ministru Austrália, Anthony Norman Albanese bainhira tuun iha  Aeroportu Internasional Prezidente Nicolau Lobato, Komoro, kuarta ne’e.

Primeiru-Ministru Australianu, Anthony Norman Albanese to’o  iha Aeroportu Internasionál Prezidente Nicolau Lobato simu direta husi Prezidente Repúblika (PR), José Ramos-Horta ho Primeiru-Ministru (PM), Kay Rala Xanana.

Primeiru-Ministru Austrália, Anthony Albanese hala’o vizita ofisiál mai Timor-Leste (TL) durante loron rua, komesa 28 to’o 29 Janeiru 2026 hodi hametin liu-tán relasaun bilaterál entre nasaun rua.

Iha vizita dahuluk ne’e, Austrália ho Timor-Leste sei diskute oportunidade atu hametin parseria iha seguransa, dezenvolvimentu ekonómiku, saúde, edukasaun no ligasaun komunitária.

Alende ne’e, sei diskute hodi promove rejiaun ne’ebé prósperu, estável no pasífiku ho kolaborasaun liu-hosi Governu ho Governu.

Parte rua mós sei diskute kona-bá asuntu seguransa no estratéjia rejionál nian iha ne’ebé Austrália sei re-afirma apoiu bá seguransa Timor-Leste no estabilidade iha Indo-Pásifiku hasoru atensaun bá influénsia sira ne’ebé kontinua aumenta iha rejiaun.

Nune’e mós sei konsidera diskusaun temátika bá enerjia, inkluí Greater Sunrise gás fields (gas pipeline ka produsaun) iha kontestu kooperasaun ekonómika.

Primeiru Ministru Austrália, Anthony Albanese sei hatudu kompromisu atu hafoun parseria ho diskursu ofisiál iha Parlamentu Nasionál Timor-Leste ni’an.

Purtantu, istorikamente no diplomátika, Australia ho Timor-Leste iha ligasaun forte iha ne’ebé Albanese sei espresa sentidu “amizade no profunda solidariedade” entre povu rai rua nian, bazeadu iha istória komún inklui Funu Mundiál II no apoiu Austrália nian iha prosesu independénsia Timor-Leste ni’an.

DILI: Relatoriu Kamara Kontas hatudu katak Autoridade Nasional Petroleu no Autoridade Nasionál Mineiru seidauk hatama reseitas kompletu ba iha sistema estadu, ne’ebé difikulta atu halo rekonsiliasaun relatoriu ne’ebé Ministériu Finansas aprezenta.