Hafoin simu vasina Xanana enkoraja ema hotu atu hakbesik an ba fatin vasina hodi bele hetan vasina hodi liberta an Covid-19.

“Pandemia Covid-19 problema bo’ot ida, laos deit ba estadu, pesoal saúde, maibé ba ita rasik nia vida, ne’e duni ha’u husu ba ema hotu atu hakbesik an ba fatin ne’ebé bele hetan vasina,” dehan nia hafoin remata vasina.

Tuir Eis-Prezidente Repúblika katak, Pandemia ne’e iha mundu ema barak mak mate no barak mak moras hela, tanba ne’e, diak liu simu vasina hodi liberta an rasik, familia no ema seluk.

“Ha’u husu proteze imi nia an rasik, familia no mós ema hotu,”tenik nia.

Pandemia Covid-19 ne’ebé mosu iha tinan 2019 iha Sidade Wuhan, Xina.

Pamdemia ne’e, kuaze ataka mundu tomak no halakon ema barak nia vida.

Entretantu, Timor-Leste hetan ataka husi Covid-19 iha Tinan 2020.

Tuir dadus, total komulativu kazu konfirmadu hahú iha loron 21 fulan-Marsu tinan 2020 to’o loron 23 fulan-Juñu tinan 2021 hamutuk, 8,843.

Ho nune’e, populasaun Timor-Leste ne’ebé simu ona vasina hahú iha loron 7 fulan-Abril to’o loron 23 fulan-Juñu hamutuk 144.380.

Asistente Editor: Saturnina da Costa