Vizitante Maria Marcela, hateten sidadaun maioria seidauk iha konsiensia utiliza Jardin Motel tanba kontinua soe lixu arbiru maske Governu kria ona lixeiru iha fatin refere.
Nia dehan, iha parte seluk mós ema kontrola ambiente no mós sei menus vizitante liu-liu konsiensia tanba kontinua lekar lixu iha fatin públiku.
"Ita hare fali ba sampah ne'e di'ak ona no ema tau ona sampa fatin iha maibé ema mak konsiensia sedauk iha atu soe sasán sira ne'e iha lixu fatin maibé soe arbiru iha fatin tuur nian".dehan nia ba Jornalista INDEPENDENTE iha Jardin Motael, Kuarta (07/02).
Alende ne’e nia mós husu ba parte kompetente atu tau fasilidade kompletu iha tempu udan mós la asesu ho halo tugas, maibe kona-ba fasilidade tuur fatin ne'e di'ak ona.
Nia dehan iha ne'e parte mós parte Governu atu tau atensaun ba iha ambiente nian karik se bele haree no kontrola ema sira ne'ebé mak mai iha jardin ne'e sira hemu bee ruma no han hahán uza plastiku ruma tenke tau iha lixu fatin.
“Tanba Governu prepara ona lixu fatin maibé ema mak konsiensia sedauk iha, oinsá mak ema sira ne'ebé mak haree ba iha area ida ne'e keaner nia mós bele hare iha parte lixu nia para ema sira mai nafatin fo hanoin no neneik ba neneik bele halo mudansa ba ida” haktuir nia.
Iha Fatin Cristu Rei Vizitante Charles M C Guterres hatete liu husi oportunidade ida ne'e fasilidade ne'e imi haree rasik iha ne'e iha area Kristu Rei fatin ne'ebé mak turizmu la'ós Timor oan de'it mak konsentra iha ne'e maibé ema husi Estajiariu mós kada ves sira mai konsentra hotu iha ne'e.
"Tuir ita hotu nia haree no observasaun área Kristu Rei hanesan ita-nia fasilidade hanesan sintina no eletrisidade ne'e la dun kompleta haris fatin la dun di'ak oituan” dehan nia.
Tanba ne’e husu ba parte kompotente oinsá tau matan no halo manutensaun kona-ba eletrisidade talvéz iha serimónia ruma sira no mós seluk tan.
“Rekomenda husi ami ba parte kompotente Governu sira karik bele iha ne'e fatin turizmu no fatin ne'ebé mak famozu iha Timor-Leste no estranjeiru mós koñese Kristu Rei ne'e no sai famozu ona iha públiku sira nia haree, jadi husu ba parte Governu hadia faselidade haris fatin no eletrisidade no dala barak estudante sira mós talves hala'o sira nia trabalho iha ne'e, Karik bele instala netik rede sosiál ruma iha para estudante balun mai asesu” nia sujere.
