Matebian hanesan sidadaun Timor-Oan, ho idade 35 hela iha Aldeia Mota Kiik, Suku Hera, Postu Administrativu Cristo Rei.
Tuir istória husi familia, matebian hetan isin-manas ho mear durante semana 2 ona iha uma no laiha istória moras seluk.
Tanba ne’e, ohin dadeer iha kontaktu ba número 119 informa katak ema monu derepente iha uma.
Hafoin, ekipa konjunta saúde to’o iha nia hela fatin, maibé matebian iis-kotu ona.
Ho autorizasun família nian, ekipa konjunta halo teste Swab post mortem no deteta positivu SARS-CoV2 ho Cycle Threshold (CT) N2 gene 36,4 no E gene 34,8.
Entretantu familia la aseita rezultadu teste PCR no seidauk atu halo funebre tuir protokolu ne’ebé iha.
Enkuantu tuir dadus, ema ne’ebé mate ho Covid-19 iha na’in 14 kompostu husi mane na’in 9 no feto na’in 5.
Asistente Editor: Saturnina da Costa
