Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ohin iha mane na’in 15 no feto na’in 9, sira ne’ebé idade 12-59 iha na’in 23 no idade 60 ba leten 1.

“Total proporsaun kazu sintomatiku hamutuk pursentu 16,6,”dehan nia liu husi komunikadu, segunda ohin (07/06).

Nune’e, dadus jeral ba loron ohin, iha kazu foun na’in 24, rekuperadu 194 no kazu ativu 2,332.

Entretantu, total komulativu kazu konfirmadu hamutuk 7,764.

Husi horseik (06/07) mai ohin (07/06) teste PCR ne’ebé halo iha Dili hamutuk 342, kompostu husi, vijilansia sentinel 7, contact tracing 30, random screening 18, viajem sai husi serka sanitaria Dili 277 no viajem internasional 10.

Enkuantu, total teste PCR ne’ebé halo iha Munisipiu sira seluk, RAEOA no HNGV hamutuk 291, kompostu husi, Baucau 56, Maliana 17, RAEOA 4, Vikeke 18, Ermera 3, Maubisse 103, Suai 28 no HNGV 62.

Informasaun husi Izolamentu Vera Cruz ohin (07/06) halo tratamentu ba kazu detetadu na’in 28, iha obstetria na’in 6, medisina interna 21 no neonatolojia na’in 1.