Ho objetivu atu aprezenta ezbosu PAN-VBJ foun ba parseiru xavi governu, sosiedade sivil no parte interesada hotu hodi akomoda ideias ka sujestaun sira ba PAN-VBJ foun refere.
Aleinde, halo validasaun ba revizaun no ezbosu PAN-VBJ foun molok lori ba aprezenta iha Konsellu Ministru hodi hetan aprovasaun final.
Tuir SEII, Maria do Rosario Fatima Correia hatete, rezultadu husi konsultasaun hirak ne’e elabora ona ezbosu PAN-VBJ foun ba tinan 10 nian, hahú husi tinan 2022 to’o 2032.
"Uluk kada tinan lima, ita halo revizaun, maibé esbosu ida ne'e atu halo ba tinan 10 nian, tuir programa iha kada pilar hanesan, prevensaun, asunto sosiais no asisténsia legal hodi asegura no akompaña vitima violensia bazeia ba jeneru ba iha susesu,"dehan nia ba jornalista sira iha Salaun Delta Nova, tersa ne’e (24/05).
Nia hatutan, atu asegura PAN-VBJ nia efetividade husi intervensaun no programa iha kada pilar hanesan, pilar prevensaun, protesaun, asesu ba justisa, monotorizasaun no avaliasaun.
Nia haktuir, ho nia objetivu mak oinsa, atu hakbi’it feto sira iha area ekonomia nian no halo mós prevensaun ba kazu violénsia bazeia ba jéneru ne’ebé hasoru feto no labarik feto sira.
Aleinde, atu hasa’e mós partisipasaun feto iha vida politika no atu foti desizaun iha nivel nasionál no munispal.
Dadaun ne’e, kazu violénsia domestika nafatin rejista ho númeru aas, tanba ne’e SEII hamutuk ho sosidade sivil ne’ebé tau matan ba vitima vilensia sira, nafatin esforsu hodi kombate ho redus kazu refere.
Ho nune’e, SEII husu ba komunudade sira, atu labele nonok no tenki koalia sai ba parte relevante, bainhira akontese kazu violensia hasoru feto no labarik feto iha sosiedade nia leet.
Nia dehan, PAN-VBJ nuudar aproximasaun integradu ho plataforma ne’ebé estratejiku, kordenadu entre liña ministerial ho parseiru sosiedade sivil no mós parte interesadu seluk iha esforsu naruk ba kombate violénsia bazeia ba jéneru iha TL.
Enkuantu, SEII mós agradese ba sosiedade sivil sira ne’ebé fó apoiu hodi finaliza PAN-VBJ faze datoluk ne’e.
Entretantu, iha revizaun PAN-VBJ faze datoluk ne’e, hetan apoia husi The Asia Fondation, liu husi programa Nabilan no mós parseiru sira nasional no internasional sira.
