DILI: Governu liu husi Sekretariu Estadu Formasaun Profisional no Empregu (SEFOPE), haruka ona timoroan feto na’in 140 ba servisu iha Korea Súl.
Tuir dadus ne'ebé Online INDEPENDENTE asesu, iha pajina SEFOPE relata, iha tinan 2010 traballador feto hamutuk na’in 48 mak ba servisu iha Korea Súl, iha tinan 2011 iha traballador na’in 13, iha tinan 2012 iha feto na’in 21 no iha tinan 2013 iha feto na’in 5.
Aleinde, iha tinan 2014 iha feto na’in 7, iha tinan 2015 iha trabalhador na’in 6, iha tinan 2016, iha area fabrika 10 no iha tinan 2017 iha na’in 13 no mós iha tinan 2018 sira ne’ebé servisu iha area fabrika hamutuk na’in 4.
Enkuantu, iha tinan 2019 feto ne'ebe servisu iha area fabrika hamutuk 4 no iha tinan 2022 hahú husi fulan janeiru to’o agostus, traballador feto ne’ebé ba servisu iha Korea hamutuk na'in 5.
Ho nune’e, traballadór feto na’in hirak ne’e ba servisu iha area fabrika no industria na’in 67 no no iha area agrikultura na’in 73.
Entretantu, tuir dadus husi SEFOPE, trabalhador timoroan ne'ebé ba servisu iha Korea Súl hahú husi tinan 2009 to'o 2022, hamutuk rihun 4.725, kompostu husi mane hamutuk na’in 2.880 iha area peskas nian no 1.652 iha area fabrika no mós iha area agrikultura na’in 53.
Enkuantu, total trabalhador ne'ebé fila ona mai Timor-leste hamutuk 962 kompostu husi mane na’in 903 no feto 59.
Nune’e, traballador ne’ebé dadauk ne’e sei servisu hela iha Korea Súl hamutuk na’in 3.763 kompostu husi mane na’in 3.747 no feto 61.
Tuir dadus ne’e haktuir, trabalhador ne'ebé hetan dezastre no lakon vida iha Korea Súl hamutuk mane na’in 11.
