Hafoin presta omenajém no karii aifunan ba martires sira, Xefe Estadu ne’e hatete, sentidu husi kari aifunan ne’e nudar sinal rekoñesimentu ba sakrifisio ne’ebé Eroi no Martires sira halo ba rai ida ne’e, to’o hetan ukun rasik-an.
“Ha’u hatete bebeik Timor-Leste iha ne’ebé deit sempre iha restu mortais, ita nia saudozu no martires sira nian no ita nia ita nia Eroi sira nian, tanba ne’e parte hotu-hotu ih Timor-Leste funu ida ne’ebé ita halo durante 24 anus nia konsekuensia
Iha mate. Ohin ho autoridade sira hotu mai tau aifunan iha Osuariu ida ne’e, iha ita nia maluk sira nia restu morais,”dehan Xefe Estadu iha Osuariu Fatumaka, sabado ne’e (27/11).
Enkuantu, iha serimonia ne’e hola parte mós ba iha selebrasaun Loron Proklamasaun Independensia ba dala-46, ho ida ne’e hanesan mós sinal rekoñesementu ne’ebé fó ba rai ida ne’e hodi hetan ukun rasik-an.
Entretantu, restu mortais sira ne’ebé dadaun ne’e iha Osuariu Fatumaka hamutuk na’in 31, sira ne’e hotu rai tinan 10 ona iha fatin refere.
Nune’e, selebrasaun Loron Proklamasaun Independensia ba dala-46, Governu deside hala’o iha Aldeia Darsula, Suku Gariwai, Postu Administrativu Baukau Vila, Munisipiu Baukau.
Asistente Editor: Saturnina da Costa
