“Husi total Vasina dozes 295 ne’ebé ita simu, ita administra ona pursentu 48,8, husi vasina AstraZeneca ne’ebé mai husi Covax Facility no mós Sinovax mai husi Xina,”dehan nia ba jornalista sira hafoin remata inkontru liña ministerial ba avaliasaun vasinasaun, iha sala reuniaun MSSI Kaikoli Dili, segunda ohin (21/06).
Enkuantu, ba populasaun ne’ebé hetan ona vasina faze dahuluk no kontinua ho faze daruak, foin atinji pursentu 13.
Entretantu, Portavoz Komisaun Interministerial Implementasaun Vasina Covid-19, Dra. Danina Coelho informa, sidadaun ho Idade 18 ba Leten iha Dili, pursentu 45 simu ona vasina, hahú iha loron 7 fulan-Abril to’o loron 17 fulan-Juñu tinan ne’e.
Ho nune’e, total sidadaun ne’ebé iha Dili simu ona vasina AstraZeneca doze dahuluk hamutuk 95,363.
Husi numeru ne’e, kompostu husi idade 18 to’o 59 ne’ebé hetan moras kroniku hamutuk 11,132, idade 60 ba leten iha na’in 3,603 no idade 18-59 ne’ebé laiha moras hamutuk 80,628.
Aleinde, ema ne’ebé simu ona vasina Sinovac faze dahuluk hahú iha loron 14-17 fulan-Juñu hamutuk 5,104.
Asistente Editor: Saturnina da Costa
