"Nune'e Proposta orsamenetu ba SEII nian ne'e passa, ho rezultadu votasaun a-favór 40, kontra ida (1) no absentensaun sia (9)", Prezidente Parlamentu Nasionál, Deputadu Aniceto Longuinhos Guterres Lopes anunsio liu husi plenariu iha Parlamentu Nasional, Segunda (6/12).
Ho montante $ 2,027.440 ne'e aloka ba salariu vensimentu hamutuk $550,991, no bens servisu hamutuk $1,140,059, kapitál menór hamutuk $36,390,kapitál dezenvolvimentu laiha, no transferénsia públika hamutuk $300,000.
Orsamentu Jerál Estadu 2022 SEII nian ne’e, sei finansia ba programa rua (2), no sub-programa ualu (8) no atividade 13.
Tuir livru 2 planu anuál OJE 2022 SEII nian, iha programa boa-governasaun no jestaun instituisionál sei gasta $776,649 no programa igualidade jéneru no inkluzasaun sosiál sei gasta $1,250,791.
Programa boa-governasaun no jestaun instituisionál ho nia sub-programa tolu (3) no atividade tolu (3).
iha Programa igualidade jéneru no inkluzasaun sosiál, ho nia sub-programa integrasaun kompromisu jéneru no inkluzaun sosiál iha programa, tuir lei no orsamentu estadu no komunidade jerál,
Iha atividade tolu ba boa-governasaun no jestaun instituisional SEII nian mak, atividade dahuluk, mak promove konsesializasaun kona-ba igualidade jéneru no inkluzaun sosiál, no atividade daruak nian mak estratéjia advokásia kona-ba igulaidade jéneru no inkluzasaun sosiál,
Tuir mai, datoluk mak atividade asisténsia instituisaun no ajénsia estadu, atividade apoiu pontu fokál SEII iha munisípiu 12 no RAEOA.
Nune'e sub-programa tolu mak ba boa-governasaun jestaun instituisional SEII nian mak hanesan,
Sub-programa empoderamentu ekonómiku ba feto no komponente sira seluk ne’ebé ho kondisaun vulnerável liu ho nia atividade mak apoiu asisténsia ba grupu feto, defisiénsia, komunidade LGBTI iha dezenvolvimentu ba abilidade ekonómika.
Sub-programa planeamentu, monitorizasaun no avaliasaun ho nia atividade monitorizasaun no avaliasaun implementasaun ba kompromisu jéneru no inkluzasaun sosiál, atividade peskiza kona-ba igualidade jéneru no inkluzaun sosiál.
Sub-programa hapara violénsia kontra feto, labarik no komponente vulnerável liu nia atividade advokásia asegura asesu vítima violénsia bazea ba jéneru ba iha justisa formal, atividade konsensializasaun kona-ba prevensaun violénsia bazea ba jéneru.
Entetantu iha sub-programa partisipasaun feto iha polítika no nivél foti desizaun nia atividade mak kapasita feto, defisiénsia, membru komunidade LGBTI ba dezempeña funsaun ho natureza polítika nivél lokál no nasionál.
