Tuir Deputy Country Directur program Plan Internasional, Fatíma Estrela Soares hatete, Plan Internasional hetan apiou fundus husi husi START Found hamutuk rihun 40, hodi sosa sasan dapur no intrega ba SEPS hafoin distribui ba vitima sira.

“Osan sira ne’e hodi sosa ona material dapur nian ba uma kain 620 iha Dili,  Ainaro no Aileu, nune’e ohin entrega  ba SEPS hodi fahe ba ita nia komunidade sira ne’ebé afeita makas ba inundasaun,”dehan nia edifisiu SEPS, Kaikoli segunda ohin (10/05).

Material dapur sira ne’e mak hanesan, sana, buli cok, bikan plastik, kanoru han, kopu plastik, jerigen 20 liter, manta no biti.

Sira mós simu panfleitu hanesan informasaun kona-ba oinsa prevene risku sira hanesan dezastre naturais iha Timor-Leste.

Iha fatin hanesan Sekretaria Estadu Protesaun Sivil (SEPS),Joaquim dos Reis Gusmão Martins hatete, ajudus sira ne’e sei distribui ba vitima inundasaun sira ne’ebé hetan uma estragus total.

Tuir planu material dapur ne’e sei fahe ba vitima inundasaun, uma-akin 620 iha Dili, Ainaro no Aileu.

Tanba ne’e tuir dadus vitima inundasaun iha Suku Madohi hamutuk 110 uma-kain ne’ebé hetan uma estragus total no Suku Lahane Osidental iha uma-kain 110.

Aliende, iha munisipiu Aileu  hamutuk uma-kain 200 no munispiu Ainaro iha uma-kain 200.

Joaquim mós la haluha lori Governu nia naran hato’o agradese wain ba Plan Internasional tanba iha tempu defisil ida ne’e bele ajuda ona vitima sira.

Jornalista: Camilio de Sousa

Asistente Editor: Saturnina da Costa