Prezidente Autoridade RAEOA, Rogerio Tiago Lobato hatete, tetu Orsamentu Jeral Estadu (OJE 2026) RAEOA aprezetan millaun $102, tanbá rekursu iha Timor komesa menus no hare'e nesesidade RAEOA nian.
“Ha'u mai aprezenta nesesidade RAEOA nian ba Primeiru Ministru ho Komisaun Revisaun Orsamentu (KRO), nune'e sira mak deside, tanbá ami presiza osan atu desenvolve RAEOA ho lalais," infroma Regerio Lobato ba Jornalista INDEPENDENTE iha Ministeriu Finansas, (08/08).
Nia haktuir, RAEOA aprezenta millaun $102 iha OJE 2026, ida ne’e kompostu husi adisional milaun $ 40 no OJE milaun $62. Nune’e, bele responde ba programa hanesan estrada, loke postu saude, no sira seluk tan.
Karik Orsamentu Jeral Estadu (OJE) montante hirak ne'e la sufisiente , tanbá programa ida ne'e la'os tinan ida ne'e maibé kada tinan tetu hela orsamentu sira ne'e.
Tinan ida ne'e orsamentu la to'o no tinan oin sukat nesesidade Rejiaun Administrativu Espesial Oe-kussi Ambenu (RAEOA) nia oinsá implementa programa sira trasa ona hodi halo desenvolvementu ho diak no definitivu.
Orsamentu ho kiik liu namun halo obra ne'ebé bo'ot tebes, ema agora iha RAEOA buka badaen fatuk laiha no motorista laiha tanba ema hotu servisu estrada no muda ekonomia Timor nian.
