Bainhira nia la’o leba hela modo hafoin monu derepenti no mate kedas, iha fatin area ponte merah, suku Bemori, nune’e rezulta ran sai husi matebian nia inus.
Motivu husi aileba nia mate deskonfia Tomás sofre moras Iis bo’ot no TBC.
Enkuantu iha akontesementu ne’e matebian nia subriña ho naran Maria Imaculada haktuir katak matebian Tomás ne’e moras nanis ona is bo’ot ho moras TBC.
“Ohin dadersan leba hela nia modo ba fa’an, derepenti kontaktu tama dehan ami nia katuas monu iha Bemori, entaun ami halai mai hare pai laiha ona is, tuir ami nia laos moras Covid-19,’ dehan Maria ba Jornalista sira iha fatin akontesementu, ohin.
Nune’e Maria husu ba komunidade sira lalika paniku ho katuas nia mate ne’e, tanba nia mate ne’e laos ho moras Covid 19, ne’ebe labele aproveita ho ida ne’e hodi lansa informasaun oin-oin ho Covid 19.
Akontesementu ne’e halo komunidade sira iha Bemori parte ponte merah trauma, nune’e komunidade sira kontaktu kedas ba kareta Ambulansia no Polisia.
Entretanto liu minutu balun autoridade seguransa parte saude no Polisia Sientifiku Investigasaun Kriminal (PSIK) to’o kedan iha fatin akontesimentu no halo investigasaun molok entrega matebian ba familia hodi hala’o serimonia funebre tuir kultura.
