Ministra Soliriedade Sosiál Inklusaun (MSSI), Armanda Berta dos Santos hateten, Prezidente Repúblika promulga ona hein implementa no presiza ministeriál sira bele asegura implementasaun ne'e atu ida-idak haree tuir ninia knaar.
"Ita hatuur iha diploma ministeriál, ohin MSSI ho MS asina akordu ba ministeriál ida ne'e," dehan nia, iha salaun MSSI, Kaikoli, horisehik.
Iha loron 17 Juñu 2022, ofisialmente lansamentu hodi bele rejistu kuaze fulan ida, hotu mak foin halo pagamentu ba benefisariu iha munisípiu tolu.
Armada dehan, inan isin-rua hetan US$ 15 kada fulan, maibé to'o fulan sia depois labarik moris hetan US$ 20 kada fulan husi idade 0 to'o tinan 6, depois labarik moris mai hetan difesiensia aumenta tan US$ 10 hamutuk US$ 30.
Governu liuhusi MSSI halo pagamentu ba benefisariu sira iha munisípiu Ainaru, Bobonaru no inklui RAEOA hamutuk orsamentu ho montante tokon US$ 6.9.
Entretantu dadus ba benefisáriu sira iha munisípiu tolu ne’e hamutuk 27.411 no kompostu husi Ainaru hamutuk benefisáriu na'in 7.531, Bobonaru na'in 11.660 no RAEOA na'in 8.220.
Aleinde ne'e, husi munisípiu sira seluk tuir MSSI nia planu ba programa bolsa mãe jerasaun foun nian sei to'o tinan 2025.
"Maibé ita sei redús iha tinan 2023 bele aumenta tan munisípiu 7 no haree nia progresu implementasaun ba munisípiu tolu nian," tenik Berta.
Hakarak buat hotu-hotu la’o di’ak, redús duni má-nutrisaun no bele altera de’it implementa iha munisípiu 13 dala ida, maibé haree ba kondisaun tékniku sira.
