Tuir komunikadu ne’ebé Online Independente asesu katak, despasu refere hasai bazeia ba dekretu Governu nu. 12/2021 loron 8 fulan-Marsu nian ne'ebé liga aprovasaun ba Serka Sanitaria no konfinamentu obrigatoriu iha Munisípiu Dili.
Antes ne’e Ministru Justisa, Manuel Cárceres da Costa, suspende ona atividade vizita família rekluzu ba iha establesementu prizional Suai. Ho razaun tanba implementasaun serka sanitariu no konfinamentu obrigatoriu ne'ebé aplika mós ba Munisípiu Covalima.
Nune'e rezulta eis rekluzu na’in rua ne'ebé sira nia pena remata ona mós labele husik hela establesemntu prizional Suai, hodi kontinua hela hanesan sidadaun babain iha estabelesementu refere.
Suspensaun ne'e fó exepsaun ba assitensia legal sira nomós ba vizita sira ho karater umanitaria nian iha prizaun tolu.
Suspensaun ba atividade vizita família rekluzu sei kontinua hikas hafoin Serka Sanitarian no konfinamentu obrigatoriu remata (bazeia ba despaisu sei remata iha Loron 16 fulan Marsu ou bele mós Loron 23 fulan Marsu sekuandu iha extensaun ba serka Sanitaria no konfinamentu tu Obrigatoriu.
Aleinde suspende ativdade vizita família ba Estabelesementu Prizional tolu, despaisu MJ suspende mós atividades balun iha Diresaun Jerál Servisu Rejistu Notariadu (DG-SRN) nian, liu-liu hirak ne'ebé liga ho atendementu públika nian hanesan, emisaun Passaporte, Billete Identidade, Sertidaun RDTL, Rejistu Kriminal nomós Rejistu Notariadu nian.
Maske suspende, maibé Diresaun Jerál Servisu Rejistu Notariadu sei kontinua atende serbisu sira ho karater urgente nian.
