Atu nune’e bele aumenta kuiñesimentu manorin na’in sira nian ba matéria refere.
Tuir Ministru Edukasaun Joventude no Desportu, Armindo Maia hateten, projetu ba formasaun ba profesora sira ne’e importante tebes, atu bele hanorin iha eskola, liu-liu eskola ne'ebé liga ba prosesu istoria harii dame no rekonsiliasaun iha TL.
"Projetu ne'e importante, tanba Ita hotu hatene katak, edukasaun ba materia istoria ne'e relasiona mós ho ita nia identidade, bainhira ita la hatene istoria, ita mos la hatene ita nia indentidade, liu-liu relasiona harii dame no rekonsiliasaun iha eskola, ida ne'e importante tebes ita bele hatene rai ne'e hakmatek iha dame, nune'e dezemvolvimentu bele lao ho diak", dehan nia iha Ótel Novu Turizmu, tersa horseik (12/07).
Nia hatutan, inisiativa husi projeitu ne'e maka atu hasa'e akontabilidade no kapasidade nasional hodi harii Timor-Leste ninian futuru ne'ebé di'ak iha areia dame, justisa no prosperiadade, atu nune'e bele kontribui ba rekonsiliasaun Konflitu no harii dame iha reziaun.
“Professor sira hanorin materia istoria iha eskola ne'e ita konsidera importante tebes, tanba bele hanorin dame no rekonsiliasaun,”dehan nia.
Nune'e bele troka esperiensia hanorin entre manorin disiplina istória kona ba antijimentu no dezafiu sira iha promosaun rekonsiliasaun hari dame bainhira hanorin iha klasse laran.
"Ita Timor-Leste persija tebes istória, tanba ita sai husi istória ida ne'ebe naruk, violensia hasoru kolonialismu portugés no okupasaun Indonézia, tanba ne'e mak istória harii dame no rekonsiliasaun ne'e importante tebes", tenik nia.
Nia relata, ba futuru MEJD sei fasilita tan professor sira ne’ebé seidauk hetan formasaun ba disiplina refere.
Enkuantu, projetu refere ne'e hetan apoiu fundos husi KOICA osamentu hamutuk dolar amerikanu tokon U$5 no projetu refere hetan mos Koperasaun husi UNESCO.
Inisiativa husi projeitu edukasaun istória no dame ne'ebé lansa ona iha Dezembru 2021.
Iha Fatin hanesan Diretór CNC, Hugo Fernandes, hateten, projeitu ida-ne’e hahú iha tinan ida-ne’e ho nia durasaun tempu durante tinan tolu hamutuk ho parseiru UNESCO, MEJD no CNC rasik.
Liu husi projetu ne'e bele estabelese rede ba profesor istória dame iha TL, no mós fasilita formasaun ba profesor sira, no mos produs manual ba manorin sira.
