Tuir dadus, iha loron 20 Outubru, deteta kazu 16, kazu 14 iha Dili, kazu ida iha Bobonaro no kazu ida iha Kovalima.
Husi kazu ne’e, na’in tolu simu ona vasina doze kompletu.
Iha 21 Outubru, deteta kazu tolu, husi Dili kazu rua no vikeke iha kazu ida.
Husi kazu hirak ne’e, na’in rua mak hetan sintomas.
Iha 22 Outubru, deteta kazu 10, kazu ualu deteta iha Dili, kazu ida deteta iha Kovalima no kazu ida seluk deteta iha Vikeke.
Husi kazu hirak ne’e, pursentu 70 mak hatudu sintomas.
“Kazu rekuperadu ne’ebé relata ohin (22/10) hamutuk na’in 16, kazu ativu ne’ebé baixa hela iha Izolamentu iha na’in 67 no komulativu kazu konfirmadu iha na’in 19.759,”dehan Kordenador Forsa Tarefas ba Prevensaun no Mitigasaun Surtu Covid-19 iha Timo-Leste, Dr. Rui Maria de Araújo, liu husi karta komunikadu ne’ebé Online INDEPENDENTE asesu, sesta ne’e.
Nune’e, iha loron tolu nia laran, SIJK la rejista kazu mate.
Entretantu, iha loron 19 nia laran, hahú husi 1 to’o 19 fulan-Outubru 2021, SIJK rejista kazu positivu hamutuk na’in 234.
