Peskizadora ne'e haktuir, komisaun rekuperasaun ekonómia prodús ona rekomendasaun sira ho asina barak tanba ne'e husi parte sosiedade sivil presiza hare ba planu hirak ne'e realístiku no bele ezekuta duni iha tinan 3 nia laran.

" Sira presiza hare’e iha kurtu prazu no médiu prazu realístiku duni ka la’e, tanba ita hare’e sira nia relatóriu sira rasik mós rekoñese katak projetu bo’ot sira sei la lori rezultadu ba povu maibé tenke investe ba edukasaun, saúde, turizmu no protesaun sosiál sira ne'e mak bele atinji sustentabilidade ekonómia ne'ebé di'ak liu." dehan nia iha FONGTIL Kaikoli, Ohin (13/10).

Entretantu hare’e husi kada rekomendsaun sira, peskizadora ne’e hateten, presiza halo avaliasaun ba kada rekomendasun sira tanba tuir nian dala ruma hatan liu ba iha industria sira ezemplu iha seitór agrikultura hare’e liu ba exportasaun iha futuru maibé tenke hare’e mós oinsa ho realidade moris povu nian agora.

Nia haklaken hare’e liu ba pandémia Covid-19 ne'ebé afeita ba ema sira ne'ebé moris ho menus nutrisaun, tuir nia sira ne'e maka afetadu liu tanba ne'e maka oinsa iha planu rekuperasaun ekonómia atu hadia mós ema nia moris liuhusi produsaun agrikultura ida ne'ebé maka bele fornese hahán produtivu no nutritivu ba nia povu

"Liu husi meius sira ne'e mós bele hadia seitór informal sira katak produtu informasaun sira mós nafatin hetan fatin, maske sira hetan de'it rendimentu ki’ik maibé bele dehan katak sustentavel" esplika nia