Ministru Asuntu Kombatentes Libertasaun Nasional Gil da Costa Monteiro “Oan Soru” hatete, Ministeriu Asuntu Kombatentes Libertasaun Nasional liu husi Diresaun Nasional Subvensaun hahú distribui ona resibu ba kombantentes sira ne’ebé sei simu direitu pensaun iha faze dahuluk, tinan ne’e.

Nia dehan, ba benifisiariu sira ne’ebé simu ona resibu bele asesu ba Banku do Nosso Futuru no mós banku sira seluk, tuir konta bankaria benifiariu sira nian.

“Pagamentu ne’ebé mak ita halo hahú loron ohin, total benifisiariu hamutuk 15.697 ne’ebé mak ita sei selu,”dehan nia ba Jornalista sira iha nia knar fatin, MAKLN, Komoro, Dili, Segunda ne’e (15/12/25).

Governante ne’e hatutan, pagamentu ba benifisiariu pensaun ne’e sei remata iha fulan-Janeiru tinan 2026.

Nune’e, kada loron sei simu ema na’in atus hitu (700) tuir orariu ne’ebé fó sai ona.

“Ami sei halo pagamentu to’o hotu iha fulan iha Dezembru nia laran, ami halo esforsu  masimo, tanba ohin hau halo konsulta ona ho dirétor base ba dadus, base ba dadus preparadu atu atende ema 700 iha iha loron ida nia laran,”tenik Governante ne’e.

Iha biban ne’e, Ministru Gil Oan Soru apela ba kombatentes no veteranus sira hotu, familia martires sira ne’ebé iha direito atu hetan direito ba pensaun sobrevivensia, pensaun espesial ba reforma, pensaun subsistensia no hotu tenke mantein disiplina, páz, hodi la’o tuir prosedimentu sira ne’ebé iha ona, tanba pagamentu ne’e to’o iha Janeiru tinan 2026.

Entretantu, benifisiariu na’in 15.697 ne’ebé asesu ba pensaun iha faze dahuluk tinan ne’e, kompostu husi Aileu hamutuk ema  612, Ainaro iha ema na’in 1.000,Bobonaro iha ema na’in 1.145, Baukau iha ema na’in 851, Covalima iha ema na’in 1.21, Dili iha ema na’in 3.906, Ermera iha ema na’in 935, Lautem iha ema na’in 935, Likisa iha ema na’in 1.281, Manatuto iha ema na’in 682, Manufahi iha ema na’in 486, Oecussi iha ema na’in  50, Vikeke iha ema na’in 634, inklui ema na’in 54 ne’ebé fora husi Timor.

Hakarak lee notisias kompletu, bele asesu de’it link e-papel INDEPENDENTE: https://digital.independente.tl, edisaun Tersa (16/12/25).