“Ita rejistapasiente ho moras oioin kuaze 5.000-resin no barak liu makIRA ho totál 2.480,”Diretór Klínika Bairru-Pité, Inácio dos Santos hateten ba Jornalista Independente iha knaar fatin horisehik.

Husi númeru IRA ne’e, tuir kedan mak diareia hamutuk  80-resin no maternidade hamutuk 43, moras kulit 170-resinno mal nutirsaun ne’ebé halo screning, la’ós haree liu ba ema nia isin krekas de’it maibé haree mós ba ema sira ne’ebé obesitas,” nia hateten.

Iha TL ne’e ema barak mak obesitas ona ne’ebé ba labarik sira ne’ebé mak mal nutirsaun ne’e hamutuk 300.

Iha mós pasiente ho moras denge ne’ebé rejistadu iha klinika ne’e, no sira ne’ebé kondisaun grave transporta kedan baHospitál Nasionál Guido Valadares (HNGV) tanba iha klinika ne’e la atende pasiente ne’ebé baixa kestaun fasilidade mak laiha.

Pasiente HIV-SIDA na’in-neen

Durante fulan Janeiru to’o Fevereiru,klinika ne’e mós rejistapasiente ne’ebé sofre moras HIV-SAIDA hamutuk ema na’in-neen no Tuberkuloze (TBC) hamutuk ema na’in 39.

“Husi númeru hirak ne’ebé mensiona ne’e ba TBC nian ita lori ba halo tramanetu iha Sentru Rekoperasaun ISMAIK Tibar,”Inácio dos Santos hateten.

Kona-bá moras HIV-SIDA  ne’e iha pasiente barak no parte klinika distribui de’it Arb atu kunsumu no halo mós monitorizasaun ba sira nia fatin, médiku mós fó treinamentu ba sirano sira hotu ho kondisaun di’ak.

Sira ne’ebé mak drop out ka halai sai husi fatin tratamentu,parte klinika koko nafatin atu bele buka-tuir.

Esforsu hodi buka tuir tanba program ne’e hetanapoiu mai husi Ministériu Saúde liu husi divizaun fundu globál, la’ós ida ne’e deit maibé kada tinan pasiente ho moras HIV-SIDA ne’e la’ós menus maibé aumenta ba beibeik.

Pasiente hirak ne’e ho idade produtivu hanesan idade 20 mai to’o 40 ho ida ne’e la’ós halo de’it tratamentu maibé halo mós sensibilizasaun hodi partilla informasaun kona-bá HIV nian, liu-liu ba moras tramisaun sexuál.

Oras ne’e daudaun. Totál pasiente ne’ebé ho moras HIV-SIDA  hamutuk 206 mak rejistaduiha klinika ne’e.