Bainnhira mai to’o iha Atambua nia toba kalan ida iha ótel Timor Travel, husi Atambua mai Batugade ho Motor Ojek, no husi Batugade mai Dili ho Bis Bintang ne’ebé aluga husi governu.

Ema ne’e viajen hamutuk ho Bis ida no kuarentena hamutuk iha ótel Lesidere na’in 41.

Ba sira ne’ebé ohin loron sai ona pozitivu to’o oras ne’e sira nia kondisaun di’ak, mediku no espesialista sira oras ne’e kontinua akompaña.

Tuir dadus ba loron domingu ohin (19/4), kazu konfirmadu Corona Virus (COVID-19), iha Timor-Leste aumenta sa’e ba na’in 19. Ema sira iha konfinamentu obrigatoriu na’in 608, pasa ka liu ona loron 14 iha kuarentena na’in 1399, provavél mantein na’in haat (4).

Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.