Kordenador Forsa Tarefas ba Prevensaun no Mitigasaun Surto Covid-19 iha Timor-Leste, Rui Maria de Araujo hatete, Kazu foun detetadu iha munisipiu neen (6) mak hanesan, Munisipiu Dili iha kazu foun 73, munisipiu Baucau iha kazu foun 3, munisipiu Bobonaro iha 3, Munisipiu Covalima iha kazu 2, munisipiu Vikeke iha kazu 2 no munisipiu Lautem iha kazu 1.
"Kazu foun hirak ne'e iha mane nain 45 no feto iha nain 39.Sira nee hotu iha sintomatiku nain 8 no asintomatiku ka lahatudu sintomas 79 (90%)," dehan nia liu husi komunikadu (20/04).
Husi total kazu foun nee iha kazu 45 (53,5%) mak deteta tanba halo teste ho razaun halo viajem ba munisipiu.
Sira neebe iha rezultadu positivu maioria sira nia hela fatin iha cluster neebe iha kazu positivu barak.
Entretanto kazu foun ba loron ida ohin iha kazu foun nain 84, kazu rekuperadu laiha no kazu ativu iha sala izolamentu nain 725.
Ho nunee husi horseik (19/04) mai ohin (20/04), Laboratorium Nasional Saude halo teste PCR hamutuk 1089, ho detalla hanesan tuir mai nee, vijilansia sintinela 34, restreiu ba kontaktu 78, restreiu aliatoriu 378, viajem sai husi serka sanitaria Dili 545 no viajen internasional iha nain 54.
Kazu mundial covid-19, ba loron ohin (20/4), hatudu ema na’in 141.549.845 mak afeitadu positivu no nain3.021.397 mak mate.
Jornalista:Saturnina da Costa
Editor:Jose Sarito Amaral
