Kazu abuzu seksuál hasoru lezada FCL, Polísia detein ona suspeitu na’in-4

Janeiru 23, 2026

Nasional

Kazu abuzu seksuál hasoru lezada FCL, Polísia detein ona suspeitu na’in-4 ^Featured

By Ekipa INDEPENDENTE Janeiru 23, 2026 191

Suspeitu na'in-4. FOTO: Media-PNTL

DILI: Autoridade Seguransa, Polisia Nasional Timor-Leste (PNTL) liu husi Diresaun Nasional Investigasaun Kriminal (DSIK) hamutuk ekipa sub seksaun VPU (Vulneravel Person Unit), Munisipiu Dili, ezekuta mandadu Tribunal Judisial Primeira Instansia Dili (TJPID), detein suspeitu na’in-4 iha sela, tanba deskonfia komete iha kazu abuzu seksuál hasoru lezada FCL ho idade minoridade ne’ebé virál iha media sosial.

Tuir komuniadu ne’ebé online INDEPENDENTE asesu husi Media-PNTL katak Autoridade seguransa PNTL ezekuta mandadu Tribunal Judisial Primeira Instansia Dili (TJPID) ho NUK 0017/26.DINFT iha loron sesta feira, 23 janeiru 2026 oras 10:00 Otl, buka tuir, joven nain-4 halo kapturasaun iha area Dili laran, kontinua ba detein iha sela polisia, durante oras 72 molok submete ba Interrogatoriu dahuluk iha Tribunal hodi foti desizaun.

“Joven nain-4 ne’ebé ekipa autoriedade seguransa PNTL kaptura hodi detein iha sela polisia ho naran inisial JMPA, CON, JGFPS, ZAAG, komete kazu krime hasoru lezada FCL idade minoridade ne’ebé viral iha media sosial,” sita komunikadu.

Hafoin asegura suspeitu nain-4, ekipa servisu transporta no entrega kedas suspeitu sira ba iha VPU tutela Servisu Investigasaun Kriminál (SIK) Munisípiu Dili, hodi halo prosesu investigasaun kontinua detein iha sela polisia, durante oras 72 molok submete ba Interrogatoriu dahuluk iha Tribunal hodi foti desizaun.

Rate this item

(0 votes)