"Ita halibur malu iha ne'e la'ós de'it reflete ba pasadu komun, maibe atu hafoun faktu valor sira ne'ebe positivu ba ita-nia prezente no trasa lalaok ba ita-nia futuru", Mensajen Jeneral Falur, ne'ebe lee hosi Xefe Gabinete, Koronel Marcelino Ximenes "Rizai", iha resintu Administrasaun Munsipiu Baucau, horisehik.
Nia hateten, loron importante ne'e apela ba memoria ba sira ne'ebe luta iha funu laran no gratidaun ba sira ne'ebe jerasaun foun sei asume reponsabilidade sira ne'ebe sei simu eransa ba nasaun nian.
Nia dehan, iha kontestu TL nia luta ba autodeterminasaun, FRETILIN mosu nu'udar forsa politiku ida xave ba buka ukun-rasik aan, iha traisaun no konflitu kolonial nia leten.
"Kriasaun ba FALINTIL iha loron 20 Agostu 1975 xave ba defeza povu no territoriu nasional persiza organizasaun forsa armada iha kapasidade atu proteje populasaun, apoiu independensia no rejisti agresaun externas, liu-liu hasoru poder sira ne'ebe ameasa ba libertasaun nasionál," tenik nia.
Tanba ne'e, tema jeral ba komemorasaun loron FALINTIL tinan ida ne'e, Governu liu-hosi ministeriu defeza no F-FDTL deside hili tema "Estender a Paz Ao Mundo". Nune'e Xefe Estadu Maior F-FDTL konsidera tema ne'e reflete kona-bá paz no dame nian.
"Tema ne'e orienta ita valor reflesaun ba oin nian, habelar dame ba mundo, dialogu direitamente ba eransa sira ne'e, iha ita-nia istoria iha funu laran, ita aprende halo funu, nune'e mós iha tempu paz, ita hatene halo paz", nia dehan.
Tanba luta ba Libertasaun hanorin defende rai no hatudu maturidade demokratika ezijie atu ita Loke odamatan ba mundo hodi fo sasin katak, dame mak obra justisa nian, dialogu no servisu hamutuk nian.
Nia husu ba Timoroan sira atu kontinua habelar dame ba mundo, hodi bele kontribui ba saida mak diak liu mak save mak atu ultrapasa obtakulu sira katak, laiha ona ida mak moris iha izolamentu la hetan paz no dame nia laran.
Tanba sub-tema ba komemorasaun loron FALINTIL tinan ida ne'e mak FALINTIL ho indentidade nasional, harii karakter nasaun ida nian, tanba ita afirme katak, Indentidade la'ós monumentu, maibe prosesu karakter nasional hetan forma liu-hosi susar no terus.
Nia mós husu governu atu kontinua servi povu no eduka povu nomos tau matan ba povu, tanba FALINTIL hanorin katak, nasuan ida ne'e hari'i liu-hosi soberania no responsabilidade defende ba territoria no respeita ba direitu internasional no haburas relasaun internasional no nasaun sira seluk.
Tanba FALINTIL mos hanorin katak, brani no prudensia no atua ho firmeza haosru injustisa hodi la rende ba tensaun violensia oi-oin, displina no unidade no kumpri dever dame no paz hodi la haluha ema mak sentru ba missaun.
Nia mós husu nafatin atu kria unidade no respeitu ba diversidade plurariedade n kultura no orijin mak riku-soin ida ne'ebe hametin nasaun.
Aliende, nia mós husu timoroan sira hotu servisu ho integridade no tau aas interese publiku aas liu benefisiu pesoal no transparansia no onra.
Indenpendensia la'ós pontu final ba inisiu hosi esforsu koletktivu ida ne'ebe dame no dura eziste iha instituisaun sira ne'ebe make imparsial no Forsa Defeza ida ne'ebe mak profisional no forsa polisia ida ne'ebe besik ba sidadaun sira no sistema kredesial ida ne'ebe konfiavel no administrasaun publika ida ne'ebe dedika ba ben komun.
"Dame no paz nu'udar missaun nasional no internasional. esperiénsia timoroan nian fo mai ita autoridade moral atu partisipa ho haraik aan no kompotensia iha misaun dame no kooperasaun rejional no inisiativa dezenvovimentu sustentavel", nia dehan.
"Ita-nia farda tenki sinonimu fo protesaun no mediasaun habelar dame ba mundo. Entaun ba oin tenki investe mos ba diplomasia defeza ho partisipa no formasaun kontinua, atu nune'e ita-nia kontribuisaun sai kredivel no efetivu", nia konklui.
