Iha soru-mutu ne’e, informa mós kona-ba servisu ne'ebé Doutór Nelson Martins ne'ebé hanesan Prezidente Brigada Soke, iha rai Oekusi.

“Ami mós prepara orsamentu ba iha Covid-19 nian hodi prepara-aan, se karik Covid-19 ne’e eziste ka númeru ne’e aumenta” tenik nia.

Tanba iha rai sorin Indonézia mós aumenta ba beibeik, Oekusi sei reforsa medida seguransa no autoridade komunitariu atu bele garante tama ilegál bele kumpre kuarentena.

Alende ne’e, presiza kria kondisaun ba Unidade Polisia Fronteira (UPF) hodi halo patrullamentu iha tasi, nune’e bele evita ema ne'ebá tama iha Timor-Leste ilegalmente tama tenke kumpre kuarentena no medida hotu.

Aproveita oportunidade agradese ba ekipa ne'ebé lidera kontra Covid-19 ne'ebá ohin loron timoroan seidauk mate, signifika medida ne'ebé halo di'ak ona presiza kontinua tan.

“Presiza haree mós iha Oekusi, ezemplu iha Kupang barak agora, presiza kuidadu atu evita moras ne’e lori mai rai iha ita nia-rain”, dehan Lugu.

Entretantu, kona-ane'ebé propoin ekipa sei haree espera fulan ne’e remata bele halo asinatura bele haree atu haruka mai primeiru ministru.

 Oekusi Presiza Bee Fase Liman

Presidente Autoridade RAEOA, José Luis Guterres hateten, daudaun povu Oekusi halerik ba bee moos atu fase-liman hodi kumpre regra saúde públiku no Organizasaun Saúde Mundiál (OMS) nian.

“Povu iha Oekusi presiza bee fase-liman, ohin loron husu atu fase-liman mas bee sentru saúde, eskola, merkadu mós laiha”, dehan nia.

Daudaun tau ona bee iha merkadu atu kumpre regra mai husi OMS nian maibé seidauk sufisiente.