Desizaun ne’e foti bainhira haree ba kazu Covid-19 iha Kapital Dili, kada loron aumenta ho numeru boot.
“Eskola sira iha Dili laran taka hahú husi loron 17 to’o 31 fulan-Agostus tinan 2021,”dehan Ministru Prezidensia Konsellu Ministru, Fidelis Leite Magalhães iha nia pajina ofisial, ne’ebé Online INDEPENDENTE asesu, tersa ne’e (17/08).
Tanba ne’e, husu populasaun sira hotu atu nafatin simu vasina, uza maskara, mantein distansia, fase liman no evita halibur malu iha grupo.
Enkuantu, tuir dadus total komulativu kazu konfirmadu iha teritoriu laran tomak hamutuk 12.929, komulativu kazu rekuperadu na’in 10.545, kazu ativu hamutuk 2.349 no kazu óbitu na’in 38.
Asistente Editor: Saturnina da Costa
